نئی دہلی/نیویارک/ 21 جون
الیکٹرک کار بنانے والی کمپنی’ٹیسلا‘کے چیف ایگزیکٹیو آفیسر (سی ای او) ایلن مسک نے بدھ کو کہا کہ ان کی کمپنی بہت جلد ہی ہندوستانی بازارمیں داخل ہوگی اور بڑی سرمایہ کاری کرے گی۔امریکی ارب پتی نے نیویارک میں وزیر اعظم نریندر مودی سے ملاقات کے بعد یہ اعلان کیا۔
وزیر اعظم نے مودی سے ملاقات کے بعد میڈیا سے بات کرتے ہوئے مسک نے کہا ”مجھے یقین ہے کہ انسانی طور پربہت جلد ٹیسلا ہندوستان آئے گا اور ہندوستان کے پاس دنیا کے کسی بھی بڑے ملک سے زیادہ امیدیں ہیں“۔
مسک نے کہا کہ وزیر اعظم مودی واقعی ہندوستان کی فکر کرتے ہیں کیونکہ وہ ہمیں ہندوستان میں سرمایہ کاری کرنے کی ترغیب دے رہے ہیں، ہم سرمایہ کاری کرنے کی خواہش بھی رکھتے ہیں اور صحیح وقت کا انتظار کر رہے ہیں۔ مسٹر مسک نے کہا کہ وہ وزیر اعظم مودی کے مداح ہیں۔
انہوں نے مسٹر مودی کا ان کے منصوبوں کے لیے شکریہ ادا کیا اور کہا کہ دونوں طرف سے مستقبل میں کچھ اعلانات کیے جا سکتے ہیں۔
ٹیسلا کے سی ای او نے کہا کہ وہ اسٹار لنک کو ہندوستان لانے کے لئے پرجوش ہیں اور اگلے سال ہندوستان کا دورہ کریں گے ۔
اہم بات یہ ہے کہ وزیر اعظم مودی 20 سے 23 جون تک امریکہ کے تین روزہ دورے پر ہیں، جس میں ان کا نیویارک شہر اور واشنگٹن میں قیام کا پروگرام بھی شامل ہے ۔
اپنے دورے کے دوران وزیر اعظم مودی امریکی صدر جو بائیڈن، نائب صدر کملا ہیرس اور وزیر خارجہ انٹونی بلنکن سے ملیں گے ۔
