وادی میں برفباری‘بارشیں‘۲۲؍اپریل تک موسم جوں کا توں رہنے کا امکان

سرینگر//
وادی کشمیر میں پہاڑی علاقوں میں ہلکی برف باری اور میدانی علاقوں میں موسلا دھار بارشیں ہوئیں جس سے کسان طبقے سے وابستہ لوگوں میں خوشی کی لہر دوڑ گئی ہے ۔
ادھر محکمہ موسمیات کے ایک ترجمان کے مطابق وادی میں اگلے چوبیس گھنٹوں کے دوران موسمی صورتحال جوں کی توں رہنے کا امکان ہے ۔
ترجمان نے کہا کہ وادی میں۲۲؍اپریل کو بھی ہلکی سے درمیانی درجے کی بارشیں متوقع ہیں۔انہوں نے کہا کہ اس دوران بالائی علاقوں میں ہلکی برف باری جبکہ میدانی علاقوں میں کہیں کہیں بارشوں کے علاوہ ژالہ باری اور تیز ہوائیں چلنے کا بھی امکان ہے ۔
اطلاعات کے مطابق وادی گریز ، مژھل، سونہ مرگ اور شہرہ آفاق سیاحتی مقام گلمرگ میں ہلکی برف باری ہوئی ہے جبکہ زوجیلا پر دو انچ برف جمع ہوئی ہے ۔
دارلحکومت سرینگر میں گذشتہ چوبیس گھنٹوں کے دوران۹ء۶ملی میٹر بارش ریکارڈ ہوئی ہے جبکہ کم سے کم درجہ حرارت ۰ء۱۰ڈگری سینٹی گریڈ ریکارڈ ہوا ہے ۔
وادی کے مشہور زمانہ سیاحتی مقام گلمرگ میں گذشتہ چوبیس گھنٹوں کے دوران۸ء۲۴ملی میٹر بارش ریکارڈ ہوئی ہے جبکہ کم سے کم درجہ حرارت۰ء۲ڈگری سینٹی گریڈ ریکارڈ ہوا ہے ۔
وادی کے دوسرے مشہور سیاحتی مقام پہلگام میں گذشتہ چوبیس گھنٹوں کے دوران۱ء۰ملی میٹر بارش ریکارڈ ہوئی ہے جبکہ کم سے کم درجہ حرارت۶ء۸ڈگری سینٹی گریڈ ریکارڈ ہوا ہے ۔
شمالی ضلع کپوارہ میں گذشتہ چوبیس گھنٹوں کے دوران۸ء۱۷ملی میٹر بارش ریکارڈ ہوئی ہے جبکہ کم سے کم درجہ حرارت۴ء۸ڈگری سینٹی گریڈ ریکارڈ کیا گیا۔
گیٹ وے آف کشمیر کے نام سے مشہور قصبہ قاضی گنڈ میں گذشتہ چوبیس گھنٹوں کے دوران۲ء۷ملی میٹر بارش ریکارڈ ہوئی ہے جبکہ کم سے کم درجہ حرارت۲ء۸ڈگری سینٹی گریڈ ریکارڈ کیا گیا۔
دریں اثنا وادی کے میدانی علاقوں میں جمعرات کی صبح موسلا دھار بارشیں ہوئیں۔
قابل ذکر ہے کہ ماہرین موسمیات کے مطابق جموں وکشمیر میں امسال ماہ مارچ میں بارش کی۸۰فیصد کمی درج ہوئی ہے ۔
دارلحکومت سری نگر میں ماہ مارچ میں مجموعی طور پر۳ء۲۱بارش ریکارڈ کی گئی جو معمول کے مطابق۶ء۱۱۷ ملی میٹر ریکارڈ ہونی چاہئے تھی۔
اسی طرح جموں میں ماہ مارچ میں مجموعی طور پر ملی میٹر بارش ریکارڈ ہوئی جو معمول کے مطابق۶۸ملی میٹر درج ہونی چاہئے تھی۔