سرینگر کو چھوڑ کر جموں کشمیر کے باقی اضلاع میں کورونا کا کوئی نیا کیس درج نہیں

جموں//
حکومت نے کہا ہے کہ پچھلے چوبیس گھنٹوں کے دوران کورونا وائرس کا ایک مثبت معاملہ سامنے آیا ہے‘جس کا تعلق کشمیر صوبہ سے ہے ،
اِس طرح مثبت معاملات کی کل تعداد ۴لاکھ۵۳ہزار۹۵۶تک پہنچ گئی ہے‘ جن میں سے۵۳(صوبہ جموں میں۱۰؍اور کشمیر صوبے میں۴۳)سر گرم معاملات ہیں۔اَب تک۴لاکھ۴۹ہزار۱۵۲؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع سرینگر میں ایک نیا معاملہ درج کیا گیا ۔بارہمولہ ،کپواڑہ، بڈگام ‘اسلام آباد،کولگام ، پلوامہ ،گاندربل، شوپیان اوربانڈی پورہ اضلاع سے مثبت معاملات کی کوئی رِپورٹ نہیں ہے۔
اِسی طرح ضلع جموںصوبے کے کسی بھی اضلاع سے کسی مثبت معاملے کی کوئی رِپورٹ نہیں آئی ہے۔
بیان کے مطابق جموں کشمیر میں کوروناوائرس سے مرنے والوں کی مجموعی تعداد۴۷۵۱تک پہنچ گئی ‘جن میں سے ۲۴۲۳کا تعلق کشمیر صوبہ سے اور۲۳۲۸کاتعلق جموں صوبہ سے ہے۔
اِسی دوران آج مزید۱۲؍اَفراد شفایاب ہوئے ہیںجن میں۲ جموں صوبہ سے اور۱۹ کا تعلق صوبہ کشمیر سے ہے۔