بارہمولہ:پہلے۵مہینوں ۲۱۷منشیات فروش گرفتار

سرینگر//
بارہمولہ پولیس نے سال رواں کے پہلے۵ مہینوں کے دوران ۱۴۴کیس درج کرکے۲۱۷منشیات فروشوں کو گرفتار کرکے ان کی تحویل سے کروڑوں روپے مالیت کا نشہ آور مود بر آمد کیا ہے ۔
پولیس کے مطابق۱۹۴منشیات فروشوں پر این ڈی پی ایس کے تحت مقدمہ درج کیا گیا جبکہ ۲۳منشیات فروشوں پر پی آئی ٹی/ این ڈی پی اسی / پی ایس اے کے تحت مقدمہ درج کیا گیا ہے ۔
ترجمان نے کہا کہ گرفتار شدگان میں۲۵؍انتہائی مطلوب منشیات فروش شامل ہیں۔
بارہمولہ پولیس نے اپنے ایک بیان میں کہا کہ پولیس نے سال رواں کے پہلے۵مہینوں کے دوران۱۴۴کیس درج کرکے۲۱۷منشیات فروشوں کو گرفتار کرکے ان کی تحویل سے کروڑوں روپیے مالیت کا نشہ آور مود بر آمد کیا ہے ۔
ان پانچ مہینوں کے دوران بر آمد شدہ ممنوعہ نشہ آور مواد کے بارے میں تفصیلات فراہم کرتے ہوئے انہوں نے کہا کہ پولیس نے اس دوران۴۱ء۳کروڑ روپے مالیت کا۶۵۲ء۳کلو گرام برائون شوگر‘۱۴ء۳کروڑ رویے مالیت کا۱۴۹ی۲کلو گرام ہیرائن‘۱۰ء۳۶لاکھ روپے مالیت کا۰۲۴ء۸کلو گرام چرس اور۹۱ء۳۴لاکھ روپے مالیت کا۹۲ء۶۹کلو گرام خشخاش بر آمد کیا۔
پولیس بیان میں کہا گیا کہ پولیس نے سال رواں کے پہلے پانچ مہینوں کے دوران۹۰ء۴۳لاکھ رویے نقدی بر آمد کئے گئے جبکہ ۱۵گاڑیوں کو بھی ضبط کیا گیا۔