شمالی ریلوے کا ۱۷مئی سے انڈور تا کٹرہ خصوصی ہفتہ وار ٹرین چلانے کا فیصلہ

جموں//
یاتریوں کے آرام اور سہولت اور ریل مسافروں کے بھاری رش کو کم کرنے کیلئے شمالی ریلوے نے۱۷مئی سے انڈور تا کٹرہ خصوصی ہفتہ وار ٹرین چلانے کا فیصلہ لیا ہے ۔
ایک ریلوے عہدیدار نے بتایا کہ ریل مسافروں کے رش کو کم کرنے کے لئے انڈور تا شری ماتا ویشنو دیوی مندر کٹرا تک خصوصی ریل چلانے کا فیصلہ لیا ہے ۔
عہدیدار نے کہا کہ انڈور تا شری ماتا ویشنو دیوی کٹرا خصوصی ایکسپریس ۱۷مئی سے ۲۸مئی تک ہر بدھ وار کو چلے گی جبکہ شری ماتا دیوی کٹرہ تا انڈور خصوصی ایکسپریس ہر جمعے کو۱۹سے۳۰مئی کو چلے گی۔
قابل ذکر ہے کہ ملک کے اسکولوں میں گرمائی تعطیلات ہونے کے ساتھ آنے والے دنوں میں شری ماتا ویشنو دیوی مندر میں یاتریوں کا رش بڑھنے کی توقع ہے ۔