نئی دہلی// وزیر اعظم نریندر مودی نے کہا ہے کہ حکومت غیر منظم شعبے میں مزدوروں کی فلاح و بہبود کے لیے پابند عہد ہے۔
مسٹر مودی نے ہفتہ کے روز ایک ٹویٹ میں کہا کہ ملک کی ترقی میں غیر منظم شعبے کے کا مزدور بھائی-بہنوں کی شراکت بہت اہم ہے۔
انہوں نے کہاکہ "ہمارے غیر منظم مزدور بھائیوں اور بہنوں کا کردار ملک کی ترقی میں بہت اہم ہے۔ ہماری حکومت ہمیشہ ایسے کروڑوں مزدوروں کی زندگیوں کو آسان بنانے کی کوشش کرتی رہی ہے۔ ان اسکیموں سے جہاں ان کی سماجی تحفظ کو یقینی بنایا گيا ہے، وہیں وبائی امراض کے دوران بھی مدد کے لیے بہت سے اقدامات کیے گئے۔
ٹویٹ کے ساتھ وزیر اعظم نے غیر منظم شعبے کے لوگوں کے لیے چلائی جانے والی مختلف فلاحی اسکیموں اور لوگوں کو ہونے والے فوائد کے بارے میں بھی بتایا ہے۔
دریں اثناء وزیر اعظم نریندر مودی 20 اپریل کو گجرات کے گاندھی نگر میں ‘عالمی آیوش سرمایہ کاری اور اختراعی چوٹی کانفرنس’ کا افتتاح کریں گے۔
وزارت آیوش نے یہاں کہا کہ تین روزہ اس چوٹی کانفرنس میں روایتی ادویات اورنظام کو فروغ دینے کے طریقوں پر تبادلہ خیال کرنے کے لئے صنعت کاروں، ماہرین تعلیم اور ماہرین کی شرکت ہوگی۔ کانفرنس میں پانچ مکمل اجلاس، آٹھ مباحثے، چھ ورکشاپس اور دو سمپوزیم منعقد ہوں گے۔ اس کے علاوہ 90 نامور مقررین کانفرنس سے خطاب کریں گے اور 100 نمائش کارموجود ہوں گے۔ سفارتخانوں، صنعتوں اور اعلیٰ کارپوریٹس کے نمائندے اور سفارت کار بھی موجود ہوں گے۔
کانفرنس کا مقصد ہندوستان کو دنیا میں ایک عالمی آیوش مرکز بنانے کے لیے سرمایہ کاری کو راغب کرنا ہے۔