لکھنؤ//سابق ہندوستانی کرکٹر عرفان پٹھان کا ماننا ہے کہ رائل چیلنجرز بنگلور (آر سی بی) مشکل حالات میں انہیں جیتنے کے لیے اپنے تین ٹاپ بلے باز فاف ڈو پلیسس، وراٹ کوہلی اور گلین میکسویل اور ان کے مڈل آرڈر پر منحصر ہے۔
عرفان نے اسٹار اسپورٹس کرکٹ لائیو پر کہاکہ "آر سی بی کو یہ دیکھنا ہوگا کہ اگر کے جی ایف(کوہلی، گلین، فاف) اچھی کارکردگی نہیں دکھاتے ہیں تو ان کی ٹیم کو مشکل حالات میں کون بچا سکتا ہے۔ یہ کام دنیش کارتک یا مہیپال لومر میں سے کسی ایک کو کرنا ہوگا۔آر سی بی کے لیے کوہلی کے علاوہ اس سیزن میں کسی دوسرے ہندوستانی بلے باز نے بلے سے کوئی دم ختم نہیں دکھایا، جو کہ تشویشناک ہے۔ آر سی بی کو اسی وجہ سے گزشتہ میچ میں اپنے ہوم گراؤنڈ پر کولکتہ نائٹ رائیڈرز کے ہاتھوں شکست کا سامنا کرنا پڑا تھا۔ اس سے قبل یہ ٹیم 227 رنز کا تعاقب کرنے والی چنئی سپر کنگز کے خلاف بھی مضبوط پوزیشن میں تھی لیکن میکسویل اور ڈو پلیسس کی وکٹیں گرتے ہی آر سی بی کی اننگز سمٹ گئی۔
عرفان نے کہاکہ “آر سی بی کا مڈل آرڈر بہت کمزور لگتا ہے۔ کارتک نے پچھلے آٹھ میچوں میں ایک بار بھی ثابت نہیں کیا کہ ٹیم بڑے اسکور یا ہدف کا تعاقب کرتے ہوئے ان پر بھروسہ کر سکتی ہے۔ آر سی بی انتظامیہ کو اپنی بلے بازی میں اس خامی کو دور کرنا ہوگا۔