ڈیوڈ میں پولارڈ کی جگہ لینے کی صلاحیت رکھتا ہے: روہت

ممبئی// دھماکہ خیز آل راؤنڈر کیرون پولارڈ کے چھوڑے ہوئے خلاء کو پر کرنا ممبئی انڈینز کے لیے مشکل کام ہوسکتا ہے، لیکن کپتان روہت شرما کا ماننا ہے کہ ٹم ڈیوڈ میں ایسا کرنے کی صلاحیت ہے۔
انڈین پریمیئر لیگ (آئی پی ایل) کے 1000ویں میچ میں راجستھان رائلز کے خلاف 213 رنز کے ہدف کے تعاقب میں ممبئی کو آخری اوور میں 17 رنز درکار تھے۔ ڈیوڈ نے اوور کی پہلی تین گیندوں پر تین چھکے لگائے، جس سے ممبئی آئی پی ایل کی تاریخ میں وانکھیڑے اسٹیڈیم میں 200 سے زیادہ کے ہدف کا تعاقب کرنے والی پہلی ٹیم بن گئی۔روہت نے میچ کے بعد کہاکہ ’’دیکھئے، پولارڈ کی جگہ لینا بہت بڑی بات ہے۔ ظاہر ہے، پولی نے اتنے سالوں میں بہت اچھی کارکردگی کا مظاہرہ کیا ہے اور ہم نے اس کی کارکردگی سے بہت سی چیمپئن شپ جیتی ہیں۔ ٹیم میں بھی بہت زیادہ صلاحیت ہے، جیسا کہ آپ نے آج دیکھا۔ ان کے پاس طاقت ہے جو میچ کے آخری لمحات میں مددگار ثابت ہوسکتی ہے۔ جب آپ کے پاس اس قسم کی طاقت ہوتی ہے تو گیند بازوں کے لیے اس کا سامنا کرنا مشکل ہو جاتا ہے جو کہ اچھی بات ہے۔”
سوریہ کمار یادو کے آؤٹ ہونے کے بعد ڈیوڈ بیٹنگ کے لیے آئے تو ممبئی کو 26 گیندوں میں 61 رنز درکار تھے۔ ڈیوڈ نے اکیلے 14 گیندوں پر 45 رنز بنائے جس میں پانچ چھکے اور دو چوکے شامل تھے۔ ٹیم کی اس کارکردگی سے ممبئی اس سیزن میں آٹھ میچوں میں چوتھی جیت درج کر سکی۔ڈیوڈ نے اپنی اننگز پر کہاکہ ’’ہاں، ہمیں اس جیت کی ضرورت تھی۔ اسٹیڈیم میں موجود شائقین ہمیں جیتتا دیکھنا چاہتے تھے۔ لہٰذا، اس سے بہتر کوئی احساس نہیں ہو سکتا جب ہم وانکھیڑے میں اترتے ہیں جیتے ہیں۔ ہم نے شاید گزشتہ چند گیمز میں اپنا بہترین کھیل نہیں کھیلا ہے۔ ہماری ٹیم بھی یہ جانتی تھی اور اس لیے انہوں نے اچھی کارکردگی دکھائی، یہ ہمارے لیے بہت اچھا ہے اور ہماری ٹیم کو پرجوش ہوتے دیکھ کر بہت اچھا لگا۔”
انہوں نے کہا کہ “آج اس گراؤنڈ پر بیٹنگ کرنا بہت اچھا تھا۔ ان کے باؤلرز کے لیے بولنگ کرنا مشکل ہو گیا (اوس کی وجہ سے) لیکن ذاتی طور پر میں کچھ عرصے سے ایسا کرنا چاہتا تھا اور ٹیم کو جیت دلانے کے لیے بہت بے چین تھا۔ اس لیے میچ کے بعد اب میں بہت اچھا محسوس کر رہا ہوں۔