اسمارٹ سٹی:نصف سرینگر کی کھدائی لوگوں کیلئے تکلیف باعث بن :محبوبہ

سرینگر//
پی ڈی پی کی صدر اور سابق وزیر اعلیٰ محبوبہ مفتی کا کہنا ہے کہ سمارٹ سٹی پروجیکٹ کے تحت نصف سری نگر کی کھدائی نہ صرف لوگوں کیلئے تکلیف کا باعث بن رہی ہے بلکہ جمالیات کو بھی متاثر کر رہی ہے ۔
محبوبہ نے کہا کہ فن تعمیر اور منصوبہ بندی کے روایتی اور موروثی طرز کو’بیت الخلا میں نظر آنے والے کریہہ الصورت ٹائلاز‘سے تبدیل کیا جارہا ہے ۔
سابق وزیر اعلیٰ نے ان باتوں کا اظہار منگل کو سلسلہ وار ٹویٹس میں کیا۔
محبوبہ نے کہا’’پیدل چلنے والوں کے راستوں کو وسیع کرنے کیلئے گاڑیوں کی سڑکوں کو تنگ کرکے ’سمارٹ سٹی‘بنانے کیلئے نصف سرینگر کی کھدائی صرف باعث تکلیف ہی نہیں بلکہ یہ جمالیات کے قیمت پر بھی ہو رہا ہے ‘‘۔
سابق وزیر اعلیٰ کا کہنا تھا کہ فن تعمیر اور منصوبہ بندی کے روایتی اور موروثی طرز کو’’بیت الخلا میں نظر آنے والے کریہہ ٹائلاز‘‘سے تبدیل کیا جا رہا ہے ۔
محبوبہ نے کہا کہ مشکل اور ناپسندیدہ منصوبہ کیلئے خوبصورت ’دیور سٹون‘کو منہدم ہوتے دیکھ کر دکھ ہوا۔انہوں نے ٹویٹ میں کہا کہ ہمارے روایتی جمالیات کو تباہ کئے بغیر بھی شہر کو سجایا جاسکتا ہے ۔