وادی میں کورونا وائرس کے ۶ نئے مثبت

سرینگر//
جموں کشمیر میں پچھلے چوبیس گھنٹوں کے دوران کورونا وائرس کے۶نئے مثبت معاملات سامنے آئے ہیں۔
اس مدت کے دوران کورونا وائر س سے کوئی تازہ موت درج نہیں ہو ئی ہے ۔
ایک سرکاری بیان میں کہا گیا ہے کہ تمام ۶ مثبت معاملات کشمیر میں درج کئے گئے ہیں۔
دونوں صوبوں میں مثبت معاملات کی کل تعداد۴لاکھ۵۳ہزار۹۱۵تک پہنچ گئی ہے‘جن میں سے۷۵(صوبہ جموں میں۳؍اور کشمیر میں۷۲)سر گرم معاملات ہیں۔اَب تک۴لاکھ۴۸ہزار۹۰۹؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع سرینگر میں۲‘ ضلع بارہمولہ میں ۲؍ اور ضلع بڈگام میں۲نئے معاملات درج کئے گئے ۔ اسلام آباد،کولگام ، کپواڑہ ، پلوامہ ،گاندربل، شوپیان اوربانڈی پورہ اضلاع سے مثبت معاملات کی کوئی رِپورٹ نہیں ہے۔
آج صوبہ جموںکے کسی بھی اضلاع سے کسی مثبت معاملے کی کوئی رِپورٹ نہیں آئی ہے۔
بیان میں کہا گیا ہے کہ جموں وکشمیر میں کوروناوائرس سے مرنے والوں کی مجموعی تعداد۴۷۵۰تک پہنچ گئی ،جن میں سے۲۴۲۳کا تعلق کشمیر صوبہ سے اور۲۳۲۷کاتعلق جموں صوبہ سے ہے۔
اِسی دوران آج مزید۸؍اَفراد شفایاب ہوئے ہیںجن کا تعلق صوبہ کشمیر سے ہیں۔