جھیل ولر میںاچانک سیلاب سے۷۰ بھیڑیں ہلاک

بانڈی پورہ//
شمالی کشمیر کے بانڈی پورہ ضلع کی وولر جھیل میں پیر کو صبح ہوئی بارش کے بعد اچانک سیلاب آنے سے کم از کم۷۰ بھیڑیں ہلاک ہو گئیں جبکہ کئی لاپتہ ہیں۔
مقامی لوگوں اور ریوڑ کی نگرانی کرنے والے چرواہے کے مطابق وولر جھیل میں صبح کی بارش کے بعد اچانک آنے والے سیلاب سے بھیڑیں بہہ گئیں، جن میں سے زیادہ تر لنکریشی پورہ گاؤں میں ہلاک ہو گئیں۔
مقامی لوگوں کے مطابق، پیر کی صبح تقریباًسادھے سات بجے آنے والے سیلاب میں تقریباً ۱۵۰بھیڑیں بہہ گئیں۔ حکام نے بتایا کہ اب تک۵۷ بھیڑوں کے مرنے کی تصدیق ہو چکی ہے اور مزید لاپتہ ہیں۔
مقامی عینی شاہدین کے مطابق، جب یہ واقعہ پیش آیا تو بھیڑیں ولر کنارے کے قریب خشک زمین پر تھیں۔
چرواہے غلام قادر نے صحافیوں کو بتایا کہ جھیل میں اچانک آنے والا سیلاب جان لیوا تھا اور اس کا ۲۰سالہ بیٹا اور اس کا کزن درختوں پر چڑھ کر بچ نکلنے میں کامیاب ہو گئے۔ قادر نے کہا کہ وہ تین دن سے وہاں ہیں۔ قادر کے پاس بھیڑوں کا کچھ حصہ تھا۔
قادر نے کہا’’تمام نوزائیدہ اور کمزور بھیڑیں ہلاک ہو چکی ہیں، مجموعی طور پر ۱۵۰ کے قریب لاپتہ ہیں، جن میں سے ۷۰ مردہ پائے گئے ہیں‘‘۔انہوں نے مزید کہا کہ مقامی لوگوں نے ایک کشتی کی مدد سے اپنے بیٹے اور اس کے بھتیجے کو بچانے میں کامیاب ہوئے۔
قادر کے مطابق یہ بھیڑیں مختلف مالکان کی ہیں اور وہ انہیں تقریباً آٹھ سال سے پال رہا تھا۔ اگرچہ قادر کے مطابق، پانی کی سطح میں اضافہ معمول کی بات تھی، لیکن اس سال یہ تیزی سے بڑھ گئی۔ ’’ہم چار سے پانچ دنوں میں علاقے سے منتقل ہونے والے تھے، لیکن اس نے ہمیں غیر متوقع طور پر نقصان پہنچایا‘‘۔
مالکان میں سے ایک نے بتایا کہ اسے چرواہوں کی طرف سے اچانک فون آیا جنہوں نے مدد کے لیے کہا۔ وہ موقع پر پہنچ کر ان کی مدد کرنے میں کامیاب ہوا اور۵۰سے زیادہ بھیڑوں کو بچانے میں بھی کامیاب رہا۔
ڈاکٹر شوکت احمد آہنگر، چیف اینیمل اینڈ شیپ ہسبنڈری آفیسر بانڈی پورہ نے واقعے کی تصدیق کرتے ہوئے کہا کہ انہوں نے جائے وقوعہ کا دورہ کیا ہے اور تقریباً ۷ بھیڑوں کے مرنے کی تصدیق کی گئی ہے۔ انہوں نے کہا کہ انہوں نے حکام کو ایس ڈی آر ایف کے تحت معاوضہ دینے کے لیے لکھا ہے۔ انہوں نے کہا کہ پولیس کو بھی مطلع کر دیا گیا ہے، اور ریونیو ٹیموں نے بھی واقعہ کا نوٹس لیا ہے۔
احمد نے بتایا کہ چرواہے مویشیوں کو ایک پیچ سے دوسرے حصے میں منتقل کر رہے تھے کہ اچانک پانی کی سطح بلند ہو گئی۔ انہوں نے کہا کہ مویشیوں میں سے زیادہ طاقتور تیرنے کے قابل تھے تاہم کمزور اور نوزائیدہ بچے پار نہ ہو سکے اور ڈوب کر ہلاک ہو گئے۔ احمد نے کہا کہ ان کی ٹیم تقریباً ۱۵۰ بھیڑوں کو بچانے میں کامیاب رہی۔
۔۔۔۔۔۔۔۔۔