سرینگر ہوائی اڈے پر ایک اور ریکارڈ‘ایک سو پروازوں میں ۱۶ہزار مسافروں کی آمد و روانگی

سرینگر//
سرینگر بین الاقوامی ہوائی اڈہ کیلئے ۱۳؍ اپریل کا دن مصروف ترین دن رہا اور ریکارڈ تعداد میں ایک ہی دن میں۱۰۰ پروازیں آئیں اور روانہ ہوئیں ۔ان پروازوں میں ۱۶ہزار۱۱۰مسافروں نے سفر کیا۔
ہوائی اڈے کے اعلی عہدیداران کے مطابق سرینگر ہوائی اڈے پر ریکارڈ توڑ ایک ہی دن میں ۱۶ہزار۱۱۰ مسافروں نے ۱۰۰ مختلف پروازوں میں سفر کیا‘ جن میں سے ۵۰ پروازیں۸۱۷۸ مسافروں لیکر سرینگر ہوائی اڈے پر پہنچی۔
سرینگر سے ۵۰ پروازیں ۷۹۳۳مسافروں کو لیکر بیرون مقامات کیلئے اڑانیں بھریں۔
اس سے قبل ۱۱؍ اپریل کو۱۰۲ پروازیں ہوائی اڈے پر آپریٹ کی گئیں۔ جن میں ۵۱ پروازوں میں۷۳۰۵ مسافروں کی آمد ہوئی، جبکہ ۷۸۹۴ مسافر اتنی ہی پروازویں سرینگر سے روانہ بھی ہوئیں۔ اس طرح ایک ہی دن میں ۱۰۲ پروازوں میں۱۵ہزار۱۹۹مسافروں کی آمد و رفت رہی۔
گزشتہ ماہ کے مقابلے ماہ اپریل میں سرینگر ایئر پورٹ پر ریکارڈ تعداد میں پروازوں کی آمد و رفت کا سلسلہ جاری رہا،مذکورہ ایئرپورٹ پر مسافروں کی کافی بھیڑ دیکھی گئی۔
حکام کے مطابق ملک بھر سے سیاح کافی تعداد میں وادی کشمیر کا رخ کر رہے ہیں جس کے نتیجے میں مسافروں کا رش دیکھا جا رہا ہے۔
ڈائریکٹر ائر پورٹ کے مطابق مسافروں کے اس رش کو دیکھتے ہوئے ہوائی ڈاے پر انفراسٹریکچر کو مزید وسعت دی جارہی ہے۔جس میں اہم اقدام کے طور نئی ٹرمنل عمارت کے علاوہ۶ ہوائی جہازوں کی پارکنگ اسٹینڈز کی تعمیر کیلئے تقریباً۱۵۰۰ کروڑ روپے خرچ کیے جارہے ہیں۔ تاکہ مسافروں کے سفر کو آرام دہ اور آسان بنایا جاسکے۔