گاندربل :گنڈ میں ٹاٹا موبائیل کی ٹکر سے کمسن لڑکا ہلاک ہو گیا

سرینگر//
وسطی ضلع گاندربل کے سرفراو گنڈ میں ٹاٹا موبائیل کی ٹکر سے دس سالہ کم عمر لڑکے کی برسر موقع ہی موت واقع ہوئی۔
اطلاعات کے مطابق گاندربل کے تحصیل گنڈ کے باغ پتی سرفراو میں ایک تیز رفتار ٹاٹا موبائیل نے کمسن لڑکے کو زور دار ٹکر ماری جس وجہ سے وہ شدید طور پر زخمی ہوا۔
معلوم ہوا ہے کہ آس پاس موجود لوگوں نے زخمی کمسن کو علاج ومعالجہ کی خاطر نزدیکی ہسپتال منتقل کیا تاہم وہاں پر تعینات ڈاکٹروں نے اسے مردہ قرار دیا۔
متوفی کمسن کی شناخت عمران احمد کھٹانہ ولد نصیر احمد ساکن باغ پتی کے بطور ہوئی ہے ۔
پولیس نے معاملے کی نسبت کیس درج کرکے مزید تحقیقات شروع کی ۔
اس دوران جموںکشمیر کے ضلع رام بن میں زیر تعمیر فلائی آورسے پیر پھسل جانے کے نتیجے میں مزدور نیچے گر آیا جس کے نتیجے میں اُس کی موقع پر ہی موت واقع ہوئی۔
ذرائع نے بتایا کہ منگل کے روز رام بن میں زیر تعمیر فلائی آور پر کام میں مصروف ایک مزدور نیچے گر آیا جس وجہ سے وہ شدید طورپر زخمی ہوا۔
معلوم ہوا ہے کہ آس پاس موجود لوگوں نے زخمی مزدور کو علاج ومعالجہ کی خاطر نزدیکی ہسپتال منتقل کیا تاہم وہاں پر تعینات ڈاکٹروں نے اسے مردہ قرار دیا۔
متوفی کی شناخت سریش کمار ولد ارجن سنگھ ساکن مولیسی چندر کوٹ کے بطور ہوئی ہے ۔
پولیس نے لاش کو تحویل میں لے کر طبی اور قانونی لوازمات پورے کرنے کے بعد میت وارثین کے حوالے کی ۔