سرینگر//
روزگارکے متلاشی۶ہزارنوجوانوں نے آج یہاں نمائش گرائونڈ میں محکمہ محنت و روزگار کے زیر اہتمام صوبائی سطح کے میگا جاب میلے میں مختلف جاب کی خاطر خود کو رجسٹر کیا ۔
میگا جاب میلے کااِی۔ اِفتتاح چیف سیکرٹری ڈاکٹر ارون کمار مہتا نے کیا۔
ایک سرکاری بیان کے مطابق اِس تقریب میں زائد اَز۶۰۰۰روزگار کے متلاشیوں نے شرکت کی۔ زائد اَز۴۰۰۰؍اُمید واروں نے اَپنے آ پ کو ڈیپارٹمنٹ کے ساتھ رجسٹر کیا جبکہ ۲۱۱۷؍اُمید واروں کو مختلف کمپنیوں نے شارٹ لسٹ کیا اور۵۴۲حصہ لینے والوں کوجاب فراہم کرنے والوں اور صنعتکار دکانوں کی جانب سے موقعہ پر ہی منظوری نامے موصول ہوئے۔
چیف سیکرٹری نے تقریب سے خطاب کرتے ہوئے تقریب کے اِنعقاد پر محکمہ کو مبارک باد دی۔ اُنہوں نے کہا کہ اِنتظامیہ نوجوانوں کو فائدہ مند روزگار کے مواقع فراہم کرنے کیلئے پُر عزم ہے ۔اُنہوں نے کہا کہ بے روزگاری کے مسئلے پر قابو پانے کے لئے حکومت خود روزگار اور اُجرت پر روزگار کے مواقع پیدا کرنے کے علاوہ نجی شعبے کو تعلیم یافتہ نوجوانوں کو روزگار فراہم کرنے کیلئے راغب کر رہی ہے۔
ڈاکٹر مہتا نے یہ بھی کہا کہ گزشتہ چند برسوں میں ایل جی انتظامیہ نے نوجوانوں کے فائدے کیلئے ہنر مندی کے ادارے قائم کرنے میں مسلسل کوششیں کی ہیں۔ حکومت کی یہ کوشش ہے کہ وہ ہر طرح کی مدد اور تعاون فراہم کرے تاکہ وہ باعزت طریقے سے اپنی روزی کما سکیں۔
چیف سیکریٹری نے اس بات پر روشنی ڈالی کہ مشن یوتھ‘ این آر ایل ایم‘ بیک ٹو ولیج‘مائی ٹاؤن مائی پرائیڈ‘ ٹورازم پالیسی‘ فلم پالیسی اور انفرادی محکموں کی طرف سے اُٹھائے گئے بہت سے اقدامات کا مقصد ہمارے نوجوانوں کے لئے روزگار کے ہزاروں مواقع پیدا کرنا ہے۔
ڈاکٹر مہتا نے روزگار فراہم کرنے والوں اورمتلاشیوں سے بھی بات چیت کی جنہیں موقع پر ہی تقرری نامے پیش کئے گئے۔ اُنہوں نے شرکاء کی حوصلہ افزائی کی کہ وہ ان مواقع سے فائدہ اُٹھائیں کیونکہ اس سے ہر ایک درخواست دہندہ کو بہترین ٹیلنٹ اور متعدد مواقع کو راغب کرنے کے لحاظ سے فائدہ ہوتا ہے۔ مزید برآں چیف سیکرٹری نے باقاعدہ جاب میلے منعقد کرنے کی ضرورت پر بھی زور دیا۔
اِس تقریب میںصوبائی کمشنر کشمیر وِجے کمار بِدھوری نے بھی شرکت کی اور صحت ، تعلیم ، اِنشورنس ، بینکنگ ، آٹو موبائل ، آئی ٹی ، ہنرمندی اور دیگر شعبوں سے تعلق رکھنے والے مختلف جاب فراہم کرنے والوں کے ذریعے لگائے گئے سٹالوں کا معائنہ کیا۔تقریب میںحکومت کے مختلف محکمے ممکنہ کاروباری اَفراد کے لئے خود روزگار سکیموں کی نمائش کے لئے سٹال بھی لگائے گئے تھے۔
اِس موقعہ پر خطاب کرتے ہوئے صوبائی کمشنر کشمیر نے کہا کہ حکومت نوجوانوں کو مختلف شعبوں میں روزگار کے حصول کیلئے سہولیت فراہم کر رہی ہے ۔ اُنہوں نے کہا’’ ہینڈ لوم او رہینڈی کرافٹس میں نوجوانوں کو روزگار فراہم کرنے کی بڑی صلاحیت ہے اور ان کے پاس سکیموں کا فائدہ اُٹھا کر کاروباری بننے کا آپشن ہے۔‘‘
اِس موقعہ پر ڈائریکٹر ایمپلائمنٹ ڈیپارٹمنٹ نثار احمد وانی نے اَپنے خیالات کا اِظہا ر کرتے ہوئے تقریب کی اہمیت پر روشنی ڈالی ۔اُنہوں نے تمام اَضلاع میں منعقد ہونے والے منی جاب میلوں اور مختلف محکمانہ سرگرمیوں پر بھی توجہ مرکوز کی۔
ٍ وانی نے یہ بھی یقین دہانی کی کہ اِس تقریب میں مہارت کے خلا کو محکمہ اعلیٰ تعلیم او رہنر فراہم کرنے والے دیگر اِداروں کے ساتھ اُٹھایا جائے گا۔
وانی نے میلے کا مقصد مختلف شعبوں میں روزگار فراہم کرنے والوں اور جموںوکشمیر یوٹی کے بے روزگار نوجوانوں کے درمیان تفاوت کو ختم کرنا ہے ۔اُنہوں نے مزید کہا کہ پرائیویٹ کمپنیوں کو ایک پلیٹ فارم فراہم کیا جارہا ہے تاکہ وہ اَپنی اَسامیوں اور مہارت کے سیٹ کی ضروریات کو ظاہر کرسکیں اور موقعہ پر ہی بھرتیاں کر سکیں جبکہ بے روزگار نوجوانوں کو کمپنیوں کے ساتھ بات چیت کرنے ، طلب میں ہنر سیکھنے اور اَپنے لئے روزگار کو محفوظ بنانے کا موقعہ ملے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔
۔۔۔۔۔۔۔۔
