نئی دہلی// نوجوانوں کے امور اور کھیل کی وزارت کے مشن اولمپک سیل نے اولمپک گولڈ میڈلسٹ نیرج چوپڑا کو ترکی کے گلوریا اسپورٹس ایرینا میں تربیت دینے کی منظوری دے دی ہے۔
وزارت نے پیر کو ایک ریلیز میں کہا کہ جیولین پھینکنے والے نیرج یکم اپریل کو ترکی کے لیے روانہ ہوں گے اور 61 دن کی تربیت کے بعد 31 مئی کو ہندوستان واپس لوٹیں گے۔ نیرج نے گزشتہ سال بھی گلوریا اسپورٹس ایرینا میں تربیت حاصل کی تھی۔
وزارت ٹارگٹ اولمپک پوڈیم اسکیم (ٹی او پی ایس) کے تحت نیرج کے ساتھ ساتھ ان کے کوچ کلاؤس بارٹونیٹز اور ان کے فزیو تھراپسٹ کے سفری اخراجات بھی برداشت کرے گی۔
دریں اثنا، وزارت نے 16 مارچ کو منعقدہ میٹنگ میں بہرے اولمپک گولڈ میڈلسٹ دکشا ڈگر کو کوچ اور فٹنس ٹرینر اور گولف سیٹ خریدنے کے لیے مالی مدد فراہم کرنے کا فیصلہ کیا۔
اس کے علاوہ وزارت نوجوان بیڈمنٹن کھلاڑی پریانشو راجاوت کو سوئس اوپن، اسپین ماسٹرز اور اورلینز ماسٹرز جبکہ شنکر متھوسامی کو اورلین پولش اوپن اور سلووینیا یونیکس اوپن میں شرکت کے لیے مالی مدد بھی فراہم کرے گی۔