سینئر صحافی شیخ مشتاق کی رہائشگاہ آگ میں کاکستر

سرینگر//
کشمیر کے ایک سینئر صحافی اور رائٹرز کے سابق بیورو ہیڈ شیخ مشتاق کا گھر منگل کو سری نگر کے اندرا نگر میں خوفناک آگ میں جل کر خاکستر ہو گیا۔
خاندان کے قریبی لوگوں نے بتایا کہ آگ گھر کی پہلی منزل میں صبح ۹ بجے کے قریب نمودار ہوئی۔
گراؤنڈ فلور میں رہائش پذیر خاندان کو پڑوسیوں نے آگاہ کیا‘ جنہوں نے آگ بجھانے میں مدد کی۔ خاندان کے ایک رکن نے بتایا کہ پہلی منزل اور اٹاری کو مکمل طور پر نقصان پہنچا ہے۔
ذرائع نے بتایا کہ اطلاع موصول ہوتے ہی فائر ٹنڈرس جائے واردات پر پہنچے اور آگ کو قابو میں کر لیا۔
ان کا کہنا تھا کہ آگ کی اس وار دات میں کسی قسم کے جانی نقصان ہونے کی کوئی اطلاع نہیں ہے ۔انہوں نے کہا کہ آگ لگنے کی وجوہات معلوم کیا جا رہی ہیں۔