جموں//
جموںکشمیر کے پونچھ ضلع میں سیکورٹی فورسز نے رہائشی مکان کی تلاشی کے دوران سات کلو ہیروئن، دو کروڑ روپے نقدی اور اسلحہ برآمد کرنے کا دعویٰ کیا ہے۔
پولیس ذرائع نے بتایا کہ مصدقہ اطلاع موصول ہونے کے بعد سی آر پی ایف اور پولیس نے پونچھ کے ڈونہ ڈویاں علاقے میں رہائشی مکان پر چھاپہ مارا۔انہوں نے کہاکہ سیکورٹی فورسز نے رہائشی مکان کی تلاشی کے دوران سات کلو گرام ہیروئن، کم ا ز کم ۲کروڑ روپے نقدی ، ایک پستول، دس پستول گولیوں کے راونڈ اور ایس ایل آر رائفل کے سات روانڈ بھی برآمد کرکے ضبط کئے۔
پولیس کے مطابق محمد رفیع عرف رفیع لالہ کے گھر پر چھاپہ مارا گیا۔انہوں نے کہا کہ محمد رفیع پر۲۴ فروری کے روز پبلک سیفٹی ایکٹ عائد کیا گیا اور اس کے خلاف پونچھ اضلاع کے مختلف پولیس تھانوں میں مقدمات درج ہیں۔
ذرائع نے بتایا کہ رہائشی مکان کی تلاشی ہنوز جاری ہے جبکہ منشیات فروش کے بین ریاستی نیٹ ورک کے ساتھ رابطے ہونے کے بارے میں بھی جانچ پڑتال شروع کی گی ہے۔