سونیا گاندھی علیل سر گنگا رام اسپتال میں بھرتی

نئی دہلی///
متحدہ ترقی پسند اتحاد (یو پی اے ) کی چیئرپرسن اور کانگریس کے سابق صدر سونیا گاندھی کو شدید بخار کے بعد سر گنگا رام اسپتال میں داخل کرایا گیا ہے ۔
سر گنگا رام اسپتال ٹرسٹ سوسائٹی کے صدر ڈاکٹر ڈی ایس رانا نے جمعہ کے روز ایک بیان میں کہا کہ یو پی اے کی چیئرپرسن سونیا گاندھی کو بخار کی وجہ سے۲مارچ کو یہاں داخل کرایا گیا تھا۔ وہ ڈاکٹر اروپ باسو، سینئر کنسلٹنٹ، شعبہ کارڈیالوجی اور ان کی ٹیم کی نگرانی میں ہیں۔
ڈاکٹر رانا نے کہا’’محترمہ سونیا گاندھی کی نگرانی اور جانچ کی جا رہی ہے ۔ ان کی حالت مستحکم ہے ‘‘۔
اس سے قبل۴جنوری کو محترمہ سونیا گاندھی کو وائرل انفیکشن کے معائنے اور علاج کیلئے سر گنگا رام اسپتال میں داخل کرایا گیا تھا اور کچھ دنوں کے بعد انہیں ڈسچارج کر دیا گیا تھا۔‘‘