بڈگام میں دو جنگجو اعانت کاروں کی گرفتاری کا دعویٰ

سرینگر//
جموںکشمیر کے وسطی ضلع بڈگام کے رٹھسنہ بیروہ علاقے میں سیکورٹی فورسزنے دو جنگجو اعانت کاروں کو اسلحہ وگولہ بارود سمیت حراست میں لینے کا دعویٰ کیا ہے ۔
پولیس کے ایک ترجمان نے بتایا کہ بڈگام پولیس‘۲آر آر اور۱۷۹بٹالین سی آر پی ایف نے مشترکہ آپریشن کے دوران رٹھسنہ بیروہ بڈگام میں دو جنگجو معاونین کو حراست میں لے کر اُن کے قبضے سے ایک چینی پستول، دو پستول میگزین، بارہ پستول گولیوں کے راونڈ اور دوسرا قابل اعتراض مواد برآمد کرکے ضبط کیا ۔
ترجمان نے گرفتار شدگان کی شناخت واجد یوسف آخون ولد محمد یوسف آخون ساکن رٹھسنہ بیروہ اور محمد اشرف شیخ ولد علی محمد شیخ ساکن کاوسہ خالصہ کے بطور کی ہے ۔
پولیس نے اس ضمن میں ایف آئی آرزیر نمبر۲۰۲۲/۳۵کے تحت کیس درج کرکے مزید تحقیقات شروع کی ہے ۔