انتخابی بائیکاٹ کو مفتی اور عبداللہ خاندانوں نے اپنا سیاسی ہتھیار بنایا تھا :چگ

سرینگر//
بھارتیہ جنتا پارٹی(بی جے پی) کے نیشنل جنرل سیکٹری ترون چُگ نے بتایا جموںو کشمیر میں چناو ہوں گے اور بہت جلد ہوں گے جبکہ کہ۳۷۰؍اور۳۵؍اے کی تنسیخ کے بعد جموںو کشمیر کے لوگوں کو حقوق مل رہے ہیں ۔
ایک انٹر ویومیں چگ نے بتایا کہ ۱۰۰سے زیادہ قانون جموں کشمیر میں لاگو ہوئے ہیںجو عوام کے مفاد میں تھے۔ انہوں نے بتایا ان قوانین کی نفاذ کی وجہ سے یہاں جموں کشمیر کی بیٹیوں کو آزادی ملی ہے اوریہاں یہ قانون نہ ہونے کی وجہ سے جموںو کشمیر کے بیٹیوں،شیڈول ٹرائب اور سوشل کاسٹ زمرے کے لوگوں کو غلام بنا کے رکھاگیا تھا ۔
بی جے پی نیشنل جنرل سیکریٹری نے بتایا فاروق عبد اللہ کی منہ سے غلامی کی باتیں سننااچھا نہیں لگتا ہے کیوں کہ’فاروق عبد اللہ صاحب۷۰سال کے آپ کے گناہوں کو لوگ یاد کر کے روتے ہیں ‘‘۔
چگ نے بتایا جموں و کشمیر میں چناؤہوں گے اوربہت جلدر ہوں گے ‘جس کا اعلان الیکشن کمشنر کرے گا۔انہوں نے بتایا کہ ووٹر فہرستوں کا کام جاری ہے اور مکمل کے بعد انہیں شائع کیا جائے گا اور اس بارے میں اگر کسی کو اعتراض ہوگا وہ بھی وصول کئے جائیں گے۔
بی جے پی لیڈر نے کہاکہ الیکشن کمیشن ایک آزاد خود مختار ادارہ وہ انتخابات کے حوالے سے خود فیصلہ لے گا۔انہوں نے کہا جو لوگ آج سوال کرتے ہیںمیں ڈاکٹر فاروق عبد اللہ سے پوچھنا چاہتا ہوں کہ آپ نے یہاں پنچائیت انتخابات منعقد کیوں نہیں کئے ؟ ۔چگ نے کہا آج جب پنچائیت اور ڈی ڈی سی انتخابات ہوئے تو آپ نے ان انتخابات کا بائیکاٹ کیوں کیا ہے؟۔
چگ نے کہا جموںکشمیر میں ایک سو ‘ دو سو اور ۵۰۰ووٹوں سے لوگ منتری بنتے تھے ۔ہزار دو ہزارووٹوں سے یہ لوگ لوک سبھا میں پہنچتے تھے ۔بائیکاٹ کال کو ان لوگوں نے ایک ہتھیار بنایا تھا اور یہ جمہوریت کاقتل کیا تھا۔انہوں نے کہا ’’اب یہاں سچی جمہوریت ہے۔اور اب چاہے مفتیوں،عبد اللہ اور گاندھی ،نہرو پری واروں کے پیٹ میں زبردست درد ہو رہا ہے ۔
بے جے پی لیڈر نے بتایا تین طلاق خواتین پر صدیوں سے بہت ظلم ہو رہا تھا اورملک بیٹیاں اس ظلم سے آزادی چاہتی ہیں اور وزیر عظم نے اس حوالے سے جو اقدام اٹھائے ہیں اس پر ملک کے لوگوں کو فخر ہے۔انہوں نے کہا یہ کیسے ممکن ہے کہ آپ گناہ بھی کریں گے اور سزا سے بھی بھاگیں گے؟
چگ نے بتایا حزب اختلا ف خاص کر کانگریس لیڈران اور راہل گاندھی کے پاس اب کچھ ہے ہی نہیں ہے اور وزیر عظم نریندرا مودی کے خلاف ایسی ویسی باتیں کرتے ہیں اور یہ فیشن ملک برداشت نہیں کرے گا ۔
بی جے پی لیڈر نے الزام لگایا کہ اپوزیشن کے لیڈران بیروں ممالک کے لیڈارن کے ساتھ ملک میں لنگڑی سرکار لانے کے منگیری لال کے سپنے دیکھ رہے ہیں ۔