نئی دہلی// کیجریوال حکومت سال 2025 تک جمنا ندی کی صفائی کو مکمل کرنے ، دہلی کے ہر گھر کو 24 گھنٹے نل کا صاف پانی فراہم کرنے اور تمام غیر مجاز کالونیوں کو سیوریج لائنوں سے جوڑنے کے لیے بہت سنجیدگی سے کام کر رہی ہے ۔ اسی سلسلے میں نائب وزیر اعلیٰ منیش سسودیا نے نریلا اسمبلی حلقہ کے جند پور میں 22 ایم جی ڈی ہیرنکی میں سیور پمپنگ اسٹیشن (ایس پی ایس) اور 15 ایم جی ڈی ایس ٹی پی اور 9 ایم جی ڈی ایس پی ایس کی تعمیر کے منصوبے کو منظوری دی گئی ہے ۔ اس پروجیکٹ سے 40 غیر مجاز کالونیوں اور نریلا اور براڑی کے 14 گاؤں کے تقریباً 4.17 لاکھ لوگوں کو فائدہ پہنچے گا۔
نائب وزیر اعلیٰ منیش سسودیا نے یہ پروجیکٹ ڈی جے بی حکام کو سونپا ہے ۔اسے توقعات کے مطابق بنانے اور مقررہ وقت میں معیاری کام مکمل کرنے کی ہدایات دی گئی ہیں۔جند پور میں 15 ایم جی ڈی ایس ٹی پی سے ٹریٹ شدہ پانی کے دوبارہ استعمال پر زور دیا جائے گا۔
دہلی کے نائب وزیر اعلیٰ منیش سسودیا نے بتایا کہ دہلی جل بورڈ کے ذریعہ جند پور میں 15 ایم جی ڈی صلاحیت کا ایس ٹی پی بنایا جائے گا۔ جدید ٹیکنالوجی سے لیس اس ایس ٹی پی کے شروع ہونے کے بعد گندے پانی کی بائیولوجیکل آکسیڈیشن ڈیمانڈ (BOD) لیول کو صاف کرکے 10 تک لایا جائے گا۔ اس کے علاوہ، اس STP سے ٹریٹ شدہ پانی دوبارہ استعمال پر زور دیا جائے گا۔ ایس ٹی پی سے آنے والا ٹریٹڈ پانی نہ صرف جمنا کی صفائی میں مدد دے گا بلکہ دیگر چیزوں کے لیے بھی مفید ہے ۔ پینے کے پانی کی بڑھتی ہوئی مانگ کو پورا کرنے کے لیے اسے باغبانی اور دہلی کی جھیلوں کی بحالی وغیرہ جیسے مقاصد کے لیے استعمال کیا جا سکتا ہے ۔ 12.45 ایم جی ڈی سیور کا پانی پاک ہونے کے بعد جمنا میں گرے گا۔
نائب وزیر اعلیٰ منیش سسودیا نے کہا کہ ان سیوریج پمپنگ اسٹیشنوں میں الارم لگائے جائیں گے تاکہ پانی کے بہاؤ یا کسی خرابی کے بارے میں خبردار کیا جا سکے ۔ اس سے دہلی جل بورڈ کے عہدیداروں کو فوری انتباہ ملے گا کہ سیوریج اوور فلو کا خطرہ بڑھ گیا ہے ، تاکہ بروقت مناسب قدم اٹھایا جاسکے ۔ سیور پمپنگ اسٹیشنوں کی نگرانی IoT مانیٹرنگ ڈیوائسز کے ذریعے کی جائے گی۔ اس الیکٹرانک ڈیوائس میں نصب سینسر اس بات کو یقینی بنائے گا کہ جیسے ہی سیور کا گندا پانی پوپنگ اسٹیشن میں ایک خاص سطح تک بھر جائے گا تو سینئر حکام کو الرٹ بھیج دیا جائے گا۔ جس کی وجہ سے سیوریج پمپنگ اسٹیشن پر موجود آپریٹر کی ذمہ داری اوراحتساب دونوں پر طے ہو سکتا ہے ۔
واضح رہے کہ دہلی حکومت نے سال ۔ 2025 تک جمنا ندی کو مکمل طور پر صاف کرنے کا ہدف مقرر کیا ہے ۔ اس کے تحت دہلی کے 100 فیصد گھروں کو سیوریج لائنوں سے جوڑنے کا منصوبہ ہے ۔ دہلی جل بورڈ کی حالیہ میٹنگ میں ان 40 غیر مجاز کالونیوں اور براڑی اور نریلا کے 14 گاؤں میں 217 کلومیٹر طویل سیوریج لائن بچھانے کے منصوبے کو منظوری دی گئی ہے ۔ سیوریج سسٹم نہ ہونے کی وجہ سے یہاں کا گندا پانی تالابوں اور سیپٹک ٹینکوں میں گرتا ہے اور یمنا ندی میں گرتا ہے ۔ ایسے میں ان علاقوں میں سیوریج لائن بچھانے اور ایس پی ایس اور ایس ٹی پی کی تعمیر کے بعد لوگوں کو سیور کے مسئلہ سے راحت ملے گی۔ اس کے ساتھ ہی ایس ٹی پی سے صاف پانی جمنا پہنچے گا۔