نئی دہلی// آسٹریلیا کے تیز گیند باز جوش ہیزل ووڈ ایڑی کی چوٹ کی وجہ سے ہندوستان کے خلاف جاری ٹیسٹ سیریز کے دیگر دومیچوں اور اگلے ماہ ہونے والی ایک روزہ سیریز سے باہر ہوگئے ہیں کرکٹ آسٹریلیا (سی اے) نے پیر کو اس کی تصدیق کی آسٹریلیا کے کوچ اینڈریو میکڈونلڈ نے کہا کہ ہیزل ووڈ نے ہندوستان کے دورے پر گزشتہ دو ہفتوں میں ٹریننگ سیشنز میں حصہ لیا ہے لیکن وہ ایڑی کی چوٹ سے مکمل طور پر صحت یاب نہیں ہوئے ہیں۔ ہیزل ووڈ اب اپنی بحالی مکمل کرنے کے لیے آسٹریلیا واپس جائیں گے۔
میکڈونلڈ نے اس دوران کیمرون گرین اور مچل اسٹارک کے حوالے سے اچھی خبر بھی دی۔ انہوں نے بتایا کہ گرین تیسرے ٹیسٹ میں کھیلنے کے لیے سو فیصد فٹ ہیں جبکہ اسٹارک بھی تقریباً فٹ ہوچکے ہیں۔ دونوں ہی کھلاڑی انگلی کی انجری کے باعث پہلے دو ٹیسٹ نہیں کھیل سکے جہاں کنگاروز کو شکست کا سامنا کرنا پڑا۔
پہلے ٹیسٹ میں بھارت نے مہمان ٹیم کو اننگ اور 132 رنوں سے ہرایا، جبکہ دوسرے ٹیسٹ میں آسٹریلیا کو چھ وکٹوں سے شکست ہوئی تھی۔ اندور میں تیسرے ٹیسٹ کے لیے ملنے کے بعد، دونوں ٹیمیں احمد آباد میں 9 مارچ سے شروع ہونے والے چوتھے اور آخری ٹیسٹ میں بھی آمنے سامنے ہوں گی۔
دریں اثنا، آسٹریلوی ٹیسٹ کپتان پیٹ کمنز خاندان کے ایک رکن کی خرابی صحت کے باعث آسٹریلیا روانہ ہوں گے۔ سی اے کے مطابق، کمنز یکم مارچ سے شروع ہونے والے تیسرے ٹیسٹ سے پہلے ہندوستان واپس آئیں گے۔
آسٹریلیا اسکواڈ: پیٹ کمنز (کپتان)، ایشٹن آگر، اسکاٹ بولانڈ، الیکس کیری (وکٹ کیپر)، کیمرون گرین، پیٹر ہینڈزکومب، جوش ہیزل ووڈ، ٹریوس ہیڈ، عثمان خواجہ، میٹ کوہنیمن، مارنس لیبوشین، نیتھن لیون، لانس مورس، ٹوڈ مرفی ، میتھیو رینشا، اسٹیو اسمتھ، مچل اسٹارک، مچل سویپسن، ڈیوڈ وارنر۔
ہندوستانی اسکواڈ: روہت شرما (کپتان)، کے ایل راہل، شبھمن گل، چیتشور پجارا، وراٹ کوہلی، کے ایس بھرت (وکٹ کیپر)، ایشان کشن (وکٹ کیپر)، روی چندرن اشون، اکشر پٹیل، کلدیپ یادو، رویندرا جڈیجہ، محمد شامی، محمد سراج ، شریاس ائیر، سوریہ کمار یادو، امیش یادیو، جے دیو انادکٹ۔
