ٹینگ پورہ بائی پاس پر گاڑی سے لاش ملی

سرینگر//
جموں وکشمیر کی گرمائی راجدھانی سرینگر کے ٹینگ پورہ بائی پاس پر ایک شخص کی لاش گاڑی سے برآمد کی گئی۔
ذرائع نے بتایا کہ منگل کے روز معمول کی چیکنگ کی دوران سی آر پی ایف پیٹرولنگ پارٹی نے ٹاٹا موبائیل کو کئی گھنٹوں تک ایک جگہ کھڑی دیکھا جس کے بعد پیرا ملٹری فورسز کی ٹیم گاڑی کے نزدیک پہنچی اور اُس میں ایک شخص کو مردہ پایا گیا۔
سی آر پی ایف کی گشتی پارٹی نے فوری طورپر پولسی کو اطلاع دی چنانچہ پولیس ٹیم جائے موقع پر پہنچی اور لاش کو اپنی تحویل میں لے لیا۔
متوفی کی شناخت نصیر احمد لون ساکن بارہمولہ کے بطور ہوئی ہے ۔پولیس نے اس ضمن میں کیس درج کرکے مزید تحقیقات شروع کی ۔
دریں اثنا جموں کشمیر کے ضلع پونچھ میں منگل کو ایک معمر شہری کی پر اسرار حالت میں لاش بر آمد کی گئی۔
ذرائع نے بتایا کہ پونچھ کے مینڈھر علاقے میں ایک عمر رسیدہ شخص کو بے ہوش پایا گیا جس کو بعد اس کو مردہ قرار دیا گیا۔
متوفی کی شناخت ۶۰سالہ مشتاق احمد ولد حسن محمد ساکن مینڈھر کے بطور ہوئی ہے ۔انہوں نے کہا کہ لاش کو پوسٹ مارٹم کیلئے سب ضلع ہسپتال مینڈھر منتقل کیا گیا ہے ۔
دریں اثنا پولیس نے اس ضمن میں ایک کیس درج کرکے تحقیقات شروع کی ہیں۔