جموں//
جموںکشمیر کی سرمائی راجدھانی جموں میں سرکاری ملازمین نے راج بھون کے باہر اپنی مانگوں کو لے کر احتجاجی مظاہرئے کئے ۔
یو این آئی اردو کے نامہ نگار نے بتایا کہ جموں میں راج بھون کے باہر کشمیری پنڈت اور دوسرے ہندو ملازمین نے دھرنا دیا اور احتجاجی مظاہرئے کئے ۔انہوں نے بتایا کہ منگل کی صبح ملازمین کی ایک بڑی تعداد راج بھون جموں کے باہر جمع ہوئے اور نعرے بازی شروع کی۔
نامہ نگاروں سے بات چیت کے دوران ملازمین نے کہاکہ پچھلے چھ ماہ سے اپنی مانگوں کو لے کر وہ احتجاج کر رہے ہیں لیکن ایل جیل انتظامیہ ابھی تک جائز مانگوں کو پورا نہیں کیا۔
ملازمین نے کہا کہ جموںکشمیر کی انتظامیہ کو کشمیر میں تعینات ہندو ملازمین کو جموں ٹرانسفر کرنا چاہئے ۔انہوں نے کہاکہ چونکہ لگاتار انہیں دھمکیاں مل رہی ہیں لہذا اس کو مد نظر رکھتے ہوئے سرکار کو کشمیری پنڈت ملازمین کو جموں میں ہی تعینات کرنے کا فیصلہ لینا چاہئے اور جب حالات پوری طرح سے معمول پر آئیں تب وہ وادی میں اپنی خدمات انجام دینے کے لئے تیار ہیں۔
اس موقع پر آنجہانی رجنی بالا کی بیٹی نے بتایا کہ کشمیری پنڈت اور دوسرے ہندو ملازمین کے سبھی مسائل کو جلد از جلد حل کیا جانا چاہئے ۔انہوں نے کہاکہ سرکارکو اس حوالے سے اب سنجیدگی کا مظاہرہ کرنا چاہئے ۔