پیر کی صبح ۱۴ اور بعد میں صرف چار ۳۳ کے وی لائینوں میں خرابی تھی

سرینگر//
کشمیر پاور ڈسٹری بیوشن کارپوریشن لمیٹیڈ( کے پی ڈی سی ایل)کاکہنا ہے کہ ۳۰ جنوری کی درمیانی رات کو شدید برف باری کے بعد وادی کشمیر کے کئی علاقوں میں بجلی کی سپلائی میں خلل پڑا اور پیر کی صبح کے اوقات میں پوری وادی کا لوڈ ۸۵۰ میگاواٹ سے نیچے چلا گیا۔
ایک سرکاری بیان میں کہا گیا ہے کہ کل ۳۳ کے وی فیڈرز میں سے ۱۴ خراب تھے لیکن اس وقت صرف چار ۳۳ کے وی لائنوں میں خرابی ہے۔ انہوں نے مزید کہا کہ شام تک تمام ۳۳ کے وی فیڈرز چارج ہو جائیں گے۔
بیان میں کہا گیا کہ ۳۰ جنوری کی درمیانی رات میں شدید برف باری کی وجہ سے وادی کشمیر کے کئی علاقوں میں بجلی کی سپلائی میں خلل پڑا۔۳۰ جنوری کی صبح کے اوقات میں پوری وادی کا لوڈ۸۵۰ میگاواٹ سے نیچے چلا گیا۔
بیان میں مزید کہا گیا ہے کہ کل ۳۳ کے وی فیڈرز میں سے ۱۴ خرابی کی زد میں تھے اور چار ۳۳ کے وی ٹیپلائنز جس سے بنیادی طور پر سوپور، کپواڑہ اور ہندواڑہ کو بجلی کی سپلائی متاثر ہوئی تھیں۔
بیان میں مزید کہا گیا کہ ضلع بڈگام اور ضلع اننت ناگ کے کچھ حصے بھی ۱۴ میں سے ۳۳ کے وی لائنوں میں سے چار کے بند ہونے کی وجہ سے متاثر ہوئے ہیں۔
بیان میں کہا گیا ہے کہ اس کے علاوہ، تقریباً ۲۱۵‘۱۵ کے وی فیڈرز شدید برف باری کی وجہ سے خرابی کی زد میں تھے۔
’’صبح سے ہی، کشمیر پاور ڈسٹری بیوشن کارپوریشن لمیٹڈ کی فیلڈ ٹیمیں خرابیوں کو دور کرنے کیلئے متحرک ہو گئیں‘‘۔
اس میں مزید کہا گیا کہ خطے میں مسلسل برف باری اور انتہائی منجمد درجہ حرارت کو برداشت کرنے کے باوجود کے پی ڈی سی ایل کی فیلڈ ٹیموں نے خراب لائنوں پر گشت کرنا شروع کر دیا اور وادی کشمیر کا لوڈ سہ پہر ۳ بجے تک تقریباً ۱۵۹۰ میگاواٹ تک پہنچانے میں کامیاب ہو گئے۔
یہ بات قابل ذکر ہے کہ اس وقت صرف چار ۳۳ کے وی لائنیں جو خصوصی طور پر ضلع بارہمولہ کے سوپور ایریا اور بجبہارہ کے کچھ علاقوں کو فراہم کرتی ہیں خرابی کی زد میں ہیں اورپیر کی شام تک تمام ۳۳ کے وی لائنوں کو چارج کر دیا جائے گا۔ تمام ۱۱ کے وی فیڈرز میں سے صرف ۵۴ فیڈرز ۳۳ کے وی کی چار لائنوں کی خرابی کی وجہ سے باہر ہیں۔