آخری پڑاؤ میں بھارت جوڑو یاترا جموں داخل

جموں//
راہْل گاندھی کی بھارت جوڑو یاترا آج اپنے آخری پڑاؤ میں داخل ہوئی۔
یاترا آج شام جموں کے لکھن پور سے جموں و کشمیر کے حدود میں داخل ہوئی۔کانگریس کے سینکڑوں کارکنان اس یاترا میں شریک تھے۔بھارت جوڑو یاترا آج شام پٹھان کوٹ سے جموں و کشمیر کے ضلع کٹھوعہ کے لکھن پور میں داخل ہوئی۔
نیشنل کانفرنس کے صدر فاروق عبداللہ اور پارٹی کے سینئر رہنماؤں نے جموں و کشمیر کے لکھن پور میں بھارت جوڑو یاترا کا خیر مقدم کیا۔
راہل گاندھی نے لکھن پور میں ایک جلسہ سے خطاب کرتے ہوئے آر ایس ایس اور بی جے پر سخت نکتہ چینی کی۔انہوں نے دعویٰ کیا کہ بی جے پی حکومت لوگوں کی توجہ ہٹا کر دوسرے چیڑوں کی اور دھیان بھٹکا رہی ہے۔ انہوں نے کہا کہ ملک میں موجودہ وقت نفرت، تشدد، بے روزگاری اور قیمتوں میں اضافے جیسے اہم مسائل کو میڈیا اجاگر نہیں کرتی بلکہ دوسری جیزوں سے لوگوں کا دھیان بھٹکانے میں مصروف ہیں۔
راہْل گاندھی نے اپنے خطاب میں کہا ’’وہ جموں و کشمیر کے لوگوں کے دکھ جانتے ہیں اور سر جھکا کر میں آپ کے پاس آیا ہوں۔ میرے آباؤ اجداد کا تعلق اسی سرزمین سے تھا، مجھے لگتا ہے کہ میں گھر لوٹ رہا ہوں۔‘‘
جموںکشمیر کی سرمائی راجدھانی جموں میں بھارت جوڑو یاترا کے حوالے سے سیکورٹی کے تمام تر انتظامات کئے گئے ہیں۔
معلوم ہوا ہے کہ جمعرات کی شام کو راہول گاندھی جموں وارد ہو رہے ہیں جس دوران وہ کئی ایک مقامات پر عوامی اجتماعات سے خطاب بھی کریں گے ۔
جموں کے ستواری علاقے میں بھی راہول گاندھی کا عوامی ریلی سے خطاب کرنے کا پروگرام ہے جس کو مد نظر رکھتے ہوئے سپیشل کمانڈوز (ایس پی جی )نے سیکورٹی صورتحال کا جمعرات کے روز جائزہ لیا۔
ذرائع نے بتایا کہ دہلی سے سپیشل کمانڈوز کی ایک اعلیٰ سطحی ٹیم وارد جموں ہوئی اور انہوں نے ستواری اور کٹھوعہ میں سیکورٹی کا جائزہ لیا۔ذرائع کا کہنا ہے کہ بھارت جوڑو یاترا کے حوالے سے جموں میں سیکورٹی کے پختہ انتظامات کئے گئے ہیں۔
ذرائع نے بتایا کہ جموں شہر کو فوجی چھاؤنی میں تبدیل کیا گیا جبکہ صوبے جموں میں ناکوں کا جال بچھایا گیا تاکہ کسی بھی نا خوشگوار واقعے کو رونما ہونے سے پہلے ہی ٹالا جاسکے ۔
سیکورٹی ذرائع نے بتایا کہ راہول گاندھی جمعرات کی شام کو جموں کے حدود میں داخل ہونگے ۔انہوں نے کہا کہ راہول گاندھی کٹھوعہ اور ستواری چوک میں عوامی ریلیوں سے خطاب کریں گے جس کے پیش نظر ان علاقوں کو پہلے ہی سیکورٹی فورسز نے اپنی تحویل میں لے لیا۔
اُن کے مطابق جموں شہر کے داخلی اور خارجی راستوں پر پہرے بٹھا دئے گئے ہیں اور کسی بھی گاڑی کو بغیر تلاشی کے آگے جانے کی اجازت نہیں دی جارہی ہیں۔