بھارت جوڑو یاترا ۱۹جنوری کو جموں کشمیر میں داخل ہو گی

دہلی//
کانگریس پارٹی کے جنرل سکریٹری جے رام رمیش نے کہا کہ ہم ۱۹ جنوری کی دوپہر کو جموں میں داخل ہوں گے۔
پارٹی کے صدر ملکارجن کھرگے نے ۲۳پارٹیوں کو۳۰ جنوری کو سرینگر آنے کی دعوت دی ہے، مجھے نہیں معلوم کہ ان میں سے کتنی پارٹیوں نے دعوت قبول کی ہے لیکن ہم امید کرتے ہیں کہ وہ سبھی آئیں گے۔
واضح رہے کہ ریاست پنجاب کے جالندھر کے کالا بکرا گاؤں سے آج بھارت جوڑو یاترا کانگریس رہنما راہل گاندھی کی قیادت میں شروع ہوئی۔
اس موقع پر پارٹی رہنماؤں نے بڑی تعداد میں شرکت کی، بتادیں کہ رکن پارلیمان سنتوکھ سنگھ کی موت کی وجہ سے بھارت جوڑو یاترا کل (اتوار) کو روک دی گئی تھی۔
کانگریس کے رکن پارلیمان سنتوکھ سنگھ چودھری کی ہفتہ کو یاترا کے دوران موت ہوگئی تھی۔ جس کی وجہ سے ایک دن کے لیے بھارت جوڑو یاترا روک دی گئی۔
پارٹی نے آنجہانی لیڈر کے احترام کے طور پر یاترا کو ۲۴ گھنٹے کے لیے روک دیا تھا۔
راہل گاندھی کی قیادت میں’بھارت جوڑو یاترا‘ میں حصہ لینے کے دوران وہ بے ہوش ہو گئے تھے۔ انہیں ایمبولینس کے ذریعے پھگواڑہ کے ایک ہسپتال لے جایا گیا، جہاں ڈاکٹروں نے انہیں مردہ قرار دیا۔
پروگرام کے مطابق یہ یاترا ۱۸ جنوری کو صبح ساڑھے چھ بجے کانگڑا ضلع کے میلوان سے ہماچل پردیش میں داخل ہوگی۔ ریاست میں ۲۴ کلومیٹر کا سفر طے کرنے کے بعد یاترا کی قیادت کر رہے ہیں۔
راہل گاندھی ملوٹ میں ایک جلسہ عام سے خطاب کریں گے۔ اس دوران ہر ضلع کا کلچر دیکھنے کو ملے گا۔ اطلاعات کے مطابق کانگریس لیڈر راہل گاندھی کی بھارت جوڑو یاترا تین ہزار کلومیٹر سے زیادہ کا فاصلہ طے کرنے کے بعد ۱۸ جنوری کو ہماچل پردیش کے میلوان پہنچے گی۔
راہل گاندھی کی بھارت جوڑو یاترا۱۹ جنوری کو جموں میں داخل ہونگی وہیں کانگریس صدر ملکارجن کھرگے نے ایک بیان میں ۲۳ سیاسی پارٹیوں کو بھارت جوڑو یاترا میں مدعو کیا ہے۔