جموں//
جموںکشمیر کے پونچھ ضلع کے سرنکوٹ علاقے میں جمعرات کی شام پُرا سرار فائرنگ میں زخمی لڑکا جمعے کی صبح زخموں کی تاب نہ لا کر چل بسا۔
معلوم ہوا ہے کہ پولیس نے اس معاملے میں ایک شخص کو گرفتار کیا ہے ۔
اطلاعات کے مطابق جمعرات کی شام سرنکوٹ پونچھ کے پنچایت درہ سانگلہ میں پُرا سرار فائرنگ کی زد میں نو سالہ لڑکا آیا جس کے نتیجے میں وہ شدید طورپر زخمی ہوا۔
ذرائع نے بتایا کہ زخمی کمسن لڑکے کو علاج ومعالجہ کی خاطر ہسپتال منتقل کیا گیا تاہم جمعے کی صبح وہ زخموں کی تاب نہ لا کر چل بسا۔
جاں بحق کمسن بچے کی شناخت نو سالہ افران احمد ولد محمد شریف کے بطور ہوئی ہے ۔
ذرائع کے مطابق مذکورہ کمسن لڑکا ایک مقامی شخص کے ہمراہ زیارت پر گیا ہوا تھا جس دوران مبینہ طورپر فائرنگ کا واقع پیش آیا۔
معلوم ہوا ہے کہ پولیس کی ایک اعلیٰ سطحی ٹیم جائے موقع پر پہنچی اور پوچھ تاچھ کی خاطر مقامی شہری کو حراست میں لے کر تحقیقات شروع کی گئی ۔