جموں//
قومی تحقیقاتی ایجنسی (این آئی اے ) نے ضلع کٹھوعہ میں ڈرون اور دیگر اسلحہ و گولہ بارود کی بر آمدگی کے متعلق ایک کیس کے سلسلے میں چھ افراد جن میں سے ایک کی موت واقع ہوئی ہے ، کے خلاف چارج شیٹ دائر کی ہے ۔
این آئی اے کی طرف سے جاری ایک بیان کے مطابق این آئی اے نے ایک خصوصی عدالت میں کٹھوعہ کے دھالی علاقے میں سال گذشتہ کے ماہ مئی میں ڈورن، یو بی جی ایک کی گولیوں اور چیچی بموں کی بر آمدگی کے سلسلے میں چھ افراد کے خلاف چارج شیٹ داخل کی ہے ۔
بیان میں کہا گیا کہ پہلے یہ کیس پولیس اسٹیشن راج باغ کٹھوعہ میں درج کیا گیا تھا جس کو بعد میں این آئی اے نے۳۰مئی۲۰۲۲کو دربارہ رجسٹر کیا۔
این آئی اے کے بیان کے مطابق تحقیقات کے دوران انکشاف ہوا کہ پاکستانی ہینڈلر سجاد گل کی ہدایت پر ملزمان کشمیر میں سرگرم جنگجوؤں کیلئے ہتھیار حاصل کرتے تھے اور ڈرون ڈالتے تھے ۔
جن ملزموں کے خلاف چارج شیٹ داخل کی گئی ان میں فیصل منیر ولد مرحوم صادق حسین ساکن میر میٹھا جموں، حبیب ولد حاجی شیرو ساکن ہری چیک مرہین کٹھوعہ، میاں سہیل ولد میاں یونس ساکن چین پور راجباغ کٹھوعہ، منی محمد (متوفی) ولد مرحوم غلام حسین ساکن رام پور ہری چک مرہین کٹوعہ، راشد ولد علی محمد ساکن رام پور ہری چک مرہین کٹوعہ، سجاد گل عرف شیخ سجاد، عرف شیخ سجاد احمد عرف حمزہ عرف البرٹ عرف رائمانڈ عرف بھائی جان ولد غلام احمد ساکن انصاری لین ایچ ایم ٹی شالہ ٹینگ سری نگر کے بطور ہوئی ہے ۔
بیان میں کہا گیا کہ اس سلسلے میں مزید تحقیقات جاری ہیں۔