سرینگر/۶جنوری
محکمہ موسمیات کے مطابق مغربی ہوا ¶ں کی دو لہروں کے یکے بعد دیگرے وارد ہونے کے نتیجے میں وادی کشمیر میں اگلے ایک ہفتے کے دوران برف و باراں متوقع ہے ۔
متعلقہ محکمے کے ایک ترجمان نے بتایا کہ مغربی ہوا ¶ں کی دو لہریں یکے بعد دیگرے وارد وادی ہو رہی ہیں جن کے نتیجے میں ۷جنوری کی شام سے موسم خراب ہونے کا امکان ہے ۔
ترجمان نے کہا کہ پہلی لہر کے زیر اثر۷جنوری کی شام سے۹جنوری کی دوپہر تک موسم ابر آلود رہ سکتا ہے اور اس دوران ۸اور۹جنوری کو بالائی و درمیانی علاقوں میں ہلکی سے درمیانی درجے کی برف باری کا امکان ہے ۔
ان کا کہنا تھا کہ اس کے بعد۹جنوری کی دوپہر سے۱۱جنوری کی دوپہر تک موسم ابر آلود رہ سکتا ہے اور اس دوران بالائی علاقوں میں کہیں کہیں ہلکی برف باری متوقع ہے ۔
محکمہ موسمیات کے ترجمان نے کہا کہ مغربی ہوا ¶ں کی دوسری لہر کے نتیجے میں وادی میں ۱۱جنوری کی دوپہر سے۱۳ جنوری کی دوپہر تک موسم ابر آلود رہ سکتا ہے اور اس دوران۱۲اور۱۳جنوری کو بالائی علاقوں میں ہلکی سے درمیانی درجے کی برف باری جبکہ میدانی علاقوں میں ہلکی برف باری کا امکان ہے ۔
ان کا کہنا تھا کہ اس ایک ہفتے کے دوران شبانہ درجہ حرارت میں بہتری واقع ہونے کا بھی امکان ہے ۔
متعلقہ محکمے نے رازدان پاس، سنتھن پاس، سادھنہ پاس، مغل روڈ پر سفر کرنے والے مسافروں اور ٹرانسپورٹروں سے تاکید کی ہے کہ وہ موسمی صورتحال کے مطابق اپنے سفر کا منصوبہ بنائیں۔
ادھر وادی میں مطلع ابر آلود رہنے سے شبانہ درجہ حرارت میں قدرے بہتری واقع ہوئی ہے ۔
گرمائی دارلحکومت سری نگر میں کم سے کم درجہ حرارت منفی5.5 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی6.4 ڈگری سینٹی گریڈ ریکارڈ ہوا تھا۔