سوپور: نوجوان نے خودکشی کرکے اپنا کام تمام کیا

سرینگر//
شمالی کشمیر کے ڈانگر پورہ سوپور علاقے میں ایک۲۷ سالہ نوجوان نے مبینہ طور خود کشی کرکے اپنا کام تمام کیا۔
ذرائع نے بتایا کہ سوپور کے حب ڈانگر پورہ علاقے میں بدھ کے روز ۲۷سالہ نوجوان نے اپنے ہی مکان کے اندر اپنے آپ کو لٹکا کر اپنی زندگی تمام کی۔
ذرائع نے بتایا کہ گھر والوں نے جب جواں سال نوجوان کو اپنے کمرے میں لٹکتے دیکھا تو انہوں نے فوری طورپر اس کو سب ضلع ہسپتال منتقل کیا لیکن وہاں ڈاکٹروں نے نوجوان کو مردہ قرار دیا۔
دریں اثنا ایک پولیس افسر نے واقعے کی تصدیق کرتے ہوئے کہا اس سلسلے میں ایک کیس درج کرکے تحقیقات شروع کی گئی ہیں۔
واضح رہے وادی کشمیر میں پچھلے چار روز کے دوران دوشیزہ سمیت چار افراد نے اپنی زندگیوں کا خاتمہ کیا جبکہ سوپور میں یہ پانچ روز کے دوران دوسرا واقع ہے ۔
اس سے قبل بارہ مولہ میں دوشیزہ نے دریائے جہلم میں چھلانگ لگا کر اپنی زندگی کا چراغ گل کیا تھا۔