جموںمیں کورونا وائرس کا کوئی نیا کیس درج نہیں ‘ وادی میں ۲ مثبت معاملات

سرینگر//
حکومت نے کہا ہے کہ پچھلے چوبیس گھنٹوں کے دوران کورونا وائرس کے۲نئے مثبت معاملات سامنے آئے ہیں۔
ایک سرکاری بیان میں کہا گیا ہے کہ ان دونوں معاملات کا تعلق کشمیر صوبے سے جبکہ جموں صوبے میں کوئی نیا کیس درج نہیں ہوا ۔
اِس طرح مثبت معاملات کی کل تعداد۴لاکھ۵۳ ہزار۸۱۵تک پہنچ گئی ہے‘جن میں سے۱۶۲(صوبہ جموں میں۱۵؍اور کشمیر صوبے میں۱۴۷)سر گرم معاملات ہیں۔اَب تک۴لاکھ۴۸ہزار۹۰۳؍ اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع سرینگر میں ۲ نئے معاملات درج کئے گئے ۔کپواڑہ ‘ اسلام آباد‘بارہمولہ،کولگام ، بڈگام ، پلوامہ ،گاندربل، شوپیان اوربانڈی پورہ اضلاع سے مثبت معاملات کی کوئی رِپورٹ نہیں ہے۔
جموں صوبے کے کسی بھی اَضلاع میں کسی مثبت معاملے کی کوئی رِپورٹ نہیں آئی ہے۔
اِسی دوران آج مزید۷؍اَفراد شفایاب ہوئے ہیںجن میںجموں صوبے کے۲؍اور کشمیر کے۵؍افرادشامل ہیں۔