’ٹیرر فنڈنگ‘:این آئی اے کے ۱۷ مقامات پر چھاپے

سرینگر/ 23 دسمبر
نیشنل انویسٹی گیشن ایجنسی (این آئی اے) ملی ٹینسی فنڈنگ کیس کے سلسلے میں جموں و کشمیر اور دہلی کے متعدد مقامات پر چھاپے مار رہی ہے، ذرائع کے حوالے سے خبروں نے جمعہ کو بتایا۔
معتبر ذرائع کے حوالے سے ایک مقامی خبر رساں ایجنسی نے اطلاع دی ہے کہ این آئی اے کے دستے پولیس اور سی آر پی ایف کی مدد سے رجسٹرڈ کیس میں سترہ مقامات پر چھاپے مار رہے ہیں۔ اننت ناگ، کولگام، بہرام پورہ سوپور، اونتی پورہ اور جموں اور دہلی میں ایک ایک میں تلاشی لی جارہی ہے۔
اننت ناگ کے گاو¿ں ہدیگام میں این آئی اے کے اہلکاروں نے جاوید احمد شیخ ولد مرحوم رشید احمد شیخ، اقبال شیخ ولد احد شیخ (سرکاری استاد)، شوکت شیخ ولد محمد شیخ (کریانہ دکاندار)، منظور شیخ (درزی) امین شیخ ولد ولی شیخ کے مشترکہ گھر کی تلاشی لی۔ )۔
کولگام کے گاو¿ں میرہامہ میں این آئی اے نے بشیر احمد پیڈر ولد علی محمد پیڈر کے مکانات کی تلاشی لی جو وارڈ 4 کا پنچ ہے۔
پلوامہ میں این آئی اے نے اونتی پورہ میں نمبردار چارسو کے گھر پر چھاپہ مارا اور نمبردار عبدالغنی وانی اور ان کے بیٹے محمد عمران وانی کو حراست میں لے کر پوچھ گچھ کے لیے تھانے لے گئے۔