کمسن بچی کے ساتھ مبینہ چھیڑ چھاڑ کے الزام میں ایک شخص گرفتار:پولیس

سرینگر//
سرینگر پولیس نے مبینہ عصمت دری کی افواہوں کی تردید کرتے ہوئے کہا ہے کہ ایک کمسن بچی سے چھیڑ چھاڑ کرنے کے الزام میں ایک شخص کی گرفتاری عمل میں لائی گئی ہے ۔
ایک پولیس ترجمان اپنے ایک بیان میں کہا کہ نابالغ لڑکی کے ساتھ زیادتی کے متعلق وائرل ہونے والی خبر جھوٹی ہے ۔
ترجمان نے کہا’’دو روز قبل ایک فیملی نے ایک کمسن بچی کے ساتھ چھیڑ چھاڑ کی شکایت درج کی تھی اور یہ شکایت موصول ہونے پر سرینگر پولیس نے متعلقہ دفعات کے تحت ایک کیس درج کیا تھا اور ملزم کو فوری طور گرفتار کیا گیا‘‘۔
ترجمان کا کہنا تھا’’فیملی کی طرف سے عصمت دری کی شکایت درج نہیں ہوئی تھی اور نہ طبی معائنے میں عصمت دری یا کسی قسم کا تشدد ظاہر ہوا‘‘۔
بیان میں کہا گیا کہ سوشل میڈیا پر وائرل ہونے والی کمسن بچی کے ساتھ زیادتی کی افواہیں گرم ہیں یہ واضح کیا جا رہا ہے کہ ایسا کوئی واقعہ پیش نہیں آیا ہے ۔
پولیس بیان میں کہا گیا کہ بعض شر پسند عناصر اس کو فرقہ وارانہ رنگ دینے کی کوششیں کر رہے ہیں لہذا لوگوں سے اپیل ہے کہ وہ ایسی افواہوں پر کان نہ دھریں۔