تمام خدمات 15 جنوری تک آن لائن ہوجائیں گی: چیف سیکریٹری

سرینگر/16دسمبر
جموں کشمیر کے چیف سیکریٹری‘ ڈاکٹر ارون کمار مہتا نے آج تمام دفاتر پر زور دیا کہ وہ آئندہ برس 15 جنوری تک تمام خدمات کو آن لائن کریں۔
مہتا نے اِن باتوں کا اِظہار آج یہاں ایک میٹنگ میں آئی ٹی ڈیپارٹمنٹ کی کارکردگی کا جائزہ لیتے ہوئے کیا۔
میٹنگ میں کمشنر سیکرٹری آئی ٹی ڈیپارٹمنٹ ، این آئی سی کے سائنسدان او رمحکمہ دیگر متعلقہ اَفسران نے شرکت کی۔
ایک سرکاری بیان میں کہا گیا ہے کہ ڈاکٹر مہتا نے اَفسران کو ہدایت دی کہ وہ محکموں کی طرف سے فراہم کی جانے والی تمام خدمات کی فہرست تیار کریں ۔اُنہوں نے اَفسران نے کہا کہ وہ اب بھی آف لائن موڈ میں پیش کی جانے والی خدمات کو الگ کریں اور اَگلے برس 15 جنوری تک اینڈ ٹو اینڈڈیجیٹائزیشن کے ساتھ آن لائن موڈ میں پیش کرنے کے لئے ایک روڈ میپ تیار کریں۔
چیف سیکریٹری نے اَفسران پر زور دیا کہ وہ محکموں کو مشورہ دیں کہ وہ اَپنی متعلقہ ویب سائٹوں کا سیکورٹی آڈِٹ فوری طور پر بغیر کسی ناکامی کے کریں ۔ اُنہوں نے عمل آوری کےلئے ان محکموں کو ہینڈ ہولڈنگ بڑھانے کو کہا۔اُنہوں نے اَفسران سے کہا کہ وہ ان دفاتر کی فہرست تیار کریں جو اِس آڈِٹ میں ناکام رہے تاکہ ذمہ داروں کے خلاف کارروائی شرو ع کی جائے۔
ڈاکٹر مہتانے پبلک سروسز گارنٹی ایکٹ کی دفعات کے مطابق سروسز کو آٹو اپیل کے ساتھ ہم آہنگ کرنے کی ضرورت پر زور پر بھی زور دیا۔اُنہوں نے اَفسران سے یہ بھی کہا کہ وہ تمام خدمات کو اِی ۔ یو این این اے ٹی ( اِی ۔ اُنّت) اور سروس پلس پر ڈالیں تاکہ وہ جموںوکشمیر کے تلاش کرنے والوں کی آسانی کے لئے ایک مشترکہ پلیٹ فارم دستیاب ہوں۔
چیف سیکریٹری نے اَفسران پر زور دیا کہ وہ نوجوانوں کے لئے روزگار پیدا کرنے اور خدمات کو لوگوں کی دہلیز تک پہنچانے کے لئے سی ایس سی او رخدمت مراکز کی تعداد میں اِضافہ کریں۔ اُنہوں نے اَفسران کو مشورہ دیا کہ وہ اُنہیں مالی مدد اور دیگر فوائد کےلئے بینکوں سے جوڑ دیں۔اُنہوں نے اُنہیں مختلف خدمات کے نرخوں کو بھی مطلع کرنے کی ہدایت دی جوپورے جموںوکشمیر یوٹی میں یکساں ہیں اور خدمت فراہم کرنے والوں اور تلاش کرنے والوں کے لئے بھی موزوں ہیں۔