’ ریاستی درجے کی بحالی کے وعدے پر قائم ہے‘

سرینگر//
جموں کشمیر بھارتیہ جنتا پارٹی( بی جی پی) کے جنرل سکریٹری جموں و کشمیر اشوک کول نے کہا کہ بی جے پی مکمل ریاستی درجے کو بحال کرنے کے وعدے پر قائم ہے۔
کول نے کہا کہ دفعہ۳۷۰کے خاتمے کے بعد یقینی طور پر حالات میں بدلاؤ آیا ہے اور پتھر بازی کے واقعات میں نمایاں کمی اس کی ایک تازہ مثال ہے۔
ایک مقامی خبر رساں ایجنسی کے ساتھ ایک انٹر یو کے دوران اشوک کول نے ریاستی درجہ بحال کرنے پر انہوں نے کہا کہ جموںکشمیر کو ریاست کا درجہ دوبارہ مناسب وقت دیا جائے گا ۔ انہوںنے کہا کہ وزیر اعظم اور وزیر داخلہ نے پارلیمنٹ میں اس وعدہ کیا ہے اور وہ اپنے اس وعدے پر قائم ہیں تاہم انہوںنے کہا کہ یہ طے نہیں ہے کہ یہ اقدام اسمبلی انتخابات کے بعد اس سے قبل اٹھایا جائے گا۔
کول نے کہا کہ کہ حکومت نے ریاستی آئین کو تبدیل کرنے اور اسے تقسیم کرنے کا جو فیصلہ کیا تھا وہ نہ صرف ملک بلکہ خطے کے بھی مفاد میں ہے۔اس کی ترجیحات میں سابقہ ریاست میں تعمیر و ترقی کے کاموں میں سرعت لانا اور جمہوریت کی مکمل بحالی شامل ہے۔
وادی کی موجودہ صورتحال کے بارے میں ان کا کہنا تھا’ ’سال بھر پہلے جو حالات تھے وہ آج نہیں ہیں جب راستے میں چلنا مشکل تھا کہ کب کون پتھر مارے گا آج وہ کہیں نہیں دکھتا ہے‘‘۔انہوں نے کہا’ ’کچھ لوگوں نے حکمت عملی بدلی ہے اور ٹارگیٹ ہلاکتیں ہونے لگی ہیں سرکار نے اپنا شکنجہ کس لیا ہے اور مجھے لگتا ہے کہ یہ سب چیزیں ٹھیک ہوں گی‘‘۔
بی جے پی لیڈرنے کہا کہ دفعہ۳۷۰ ہٹنے کے بعدشدت پسندانہ کارروائیوں میں کافی کمی ہوئی ہے۔ ہڑتا ل کا لیں آنا بند ہوئیں پتھر بازی ختم ہوئی اور اب لاکھوں کی تعداد میں سیاح کشمیر کا رخ کررہے ہیں ۔
الیکشن کے انعقاد کے بارے کول نے کہا کہ بی جے پی ہمیشہ سے الیکشن میں حصہ لینے کیلئے تیار ہے اور جب الیکشن کمیشن آف انڈیا اعلان کرے گا تو ہم اس کیلئے تیار ہیں۔انہوں نے کہا کہ جو میٹنگیں ہماری یہاں ہو رہی ہیں وہ الیکشن کی تیاریوں کے سلسلے میں ہی ہو رہی ہیں۔انہوں نے کہا کہ جموں وکشمیر میں الیکشن کرانے کا فیصلہ الیکشن کمیشن آف انڈیا کو ہی لینا ہے۔
کول نے کچھ سیاستدانوں کی طرف سے الیکشن میں حصہ نہ لینے سے متعلق سوال پر بتایا کہ یہ لوگ حکومت پر دبائو ڈالنے کی کوشش کررہے ہیں۔ انہوں نے کہا کہ وقت آنے پر سب پارٹی الیکشن عمل میں کود جائیں گی۔
بی جے پی لیڈر نے کہ مختلف چیلنجوں کا سامنا کرنے کے باوجود، بی جے پی جموں و کشمیر کی ترقی کے لیے پرعزم ہے۔انہوں نے کہا کہ بی جے پی کے کارکن مشکل حالات میں کام کررہے ہیں اوراس کاسہرا ہمارے مقامی رہنمائوں اور کارکنوں کو جاتا ہے۔