جموں//
لیفٹیننٹ گورنر‘ منوج سنہا نے گورو نانک دیو جینتی کے موقعہ پر لوگوں کو مبارکباد دی ہے ۔
اپنے ایک مبارک بادی کے پیغام میں لیفٹیننٹ گورنر نے کہا کہ گورو نانک دیو جی کا مساوات ، عالمگیر بھائی چارے ، یکجہتی اور سب کیلئے ہمدردی کا پیغام ، انسانیت کی رہنمائی اور ترغیب دیتا ہے ۔
سنہا نے کہا ’’ ہم میں سے ہر ایک قابل احترام گورو کی عظیم تعلیمات کو اپنانے اور ہمارے معاشرے میں اتحاد کے بندھن کو مضبوط کرے ۔ آئیے ہم اپنے آپ کو کمزور اور پسماندہ لوگوں کی بہتری کیلئے وقف کرنے کا عزم کریں اور تمام سماجی امتیازات سے مبرا معاشرے کی تشکیل کریں ۔‘‘
دریں اثنا چیف سکریٹری، ڈاکٹر ارون کمار مہتا نے آج جموں و کشمیر کے لوگوں کو گرو نانک جینتی کے مبارک موقع پر مبارکباد پیش کی۔
ڈاکٹر مہتا نے کہا کہ گرو کی تبلیغ سب کو مساوات، مہربانی، بھائی چارے اور بے لوث خدمت کے لیے کھڑے ہونے کی ترغیب دیتی ہے۔ انہوں نے کہا کہ یہ اصول آج بھی اتنے ہی متعلقہ ہیں جتنے پہلے تھے اور سب کو راستبازی کی راہ پر گامزن کرتے رہتے ہیں۔
مہتا نے آج شام یہاں اپنے پیغام میں کہا’’یہ تہوار گرو نانک کی تبلیغ میں شامل اخلاقیات، محنت اور سچائی کے پیغام کو پھیلانے کیلئے جوش اور اجتماعی جذبے کے ساتھ منانے کا مستحق ہے۔‘‘