سرینگر//
حکومت جموںوکشمیر نے اننت ناگ سینٹرل کوآپریٹیو بینک لمٹیڈ کے پروفیشنل بورڈ کی دوبار ہ تشکیل دی ہے۔
اِس سلسلے میں محکمہ کوآپریٹیو کی طرف سے آج یہاں جاری ایک حکم کے مطابق جموںوکشمیر کو کوآپریٹیوسوسائٹیزایکٹ ۱۹۸۹ دفعہ۳۰بی کی ذیلی دفعہ (۱)(اے)کے تحت مرکزی حکومت اور جموںوکشمیر یوٹی کے ذریعے منظور شدہ بحالی پیکیج ( پیکیجوں) کی عمل آوری کے لئے بینک کو کیپٹل رسک ایڈ یکیسی ریشو( سی آر اے آر ) حاصل کرنے کے قابل بنانے کیلئے بورڈ کی دوبارہ تشکیل کی منظور ی دی گئی ہے ۔
دوبارہ تشکیل دیا گیا بورڈ اِنتظامی سیکرٹری ،کوآپریٹیو ڈیپارٹمنٹ بطور چیئر پرسن، ضلع ترقیاتی کمشنر اننت ناگ،ڈائریکٹر بجٹ محکمہ خزانہ ، ڈائریکٹر ہارٹی کلچر کشمیر، ایڈوکیٹ عباس حامد ڈار، چار ٹرڈاکائونٹنٹ وسیم احمد ڈار ، چار ٹرڈاکائونٹنٹ رو پن سوبتی اور منظور احمد عطار سابق صدر جموںوکشمیر بینک لمٹیڈ بطور ممبر ، آر بی آئی اور نبارڈ کے نامز د اَفراد بطور خصوصی اور بینک کے جنرل منیجر ،منیجنگ ڈائریکٹر بطور ممبر سیکرٹری پر مشتمل ہوگا۔
پروفیشنل بورڈ بینک کے معاملات کو ایک برس کی مدت یا ایسی دوسری مدت کیلئے سنبھالے گا جو کہ حکومت وقتاً فوقتاً بینک کی بحالی کے پیکیج اور فائنانشل ہیلتھ پر پڑنے والے اَثرات کو مد نظر رکھتے ہوئے بیات کرتی ہے۔