تاج محی الدین آزاد کی پارٹی کے خزانچی مقرر

جموں//
جموں کشمیر کے سابق وزراء تاج محی الدین اور آر ایس چِب کو پیر کو نئی تشکیل پانے والی ڈیموکریٹک آزاد پارٹی (ڈی اے پی) کا بالترتیب خزانچی اور جنرل سکریٹری مقرر کیا گیاہے۔
پارٹی نے ایک بیان میں کہا کہ ڈی اے پی کے چیئرمین اور جموں و کشمیر کے سابق وزیر اعلیٰ غلام نبی آزاد نے محی الدین اور چب کو ان عہدوں پر تعینات کیا۔
۲۶؍اگست کو کانگریس چھوڑنے والے آزادنے جموں و کشمیر کے درجنوں سابق وزراء‘ سابق ایم ایل ایز اور دیگر سرکردہ لیڈروں کی حمایت سے۲۶ ستمبر کو جموں میں ڈی اے پی کا آغاز کیا، جن میں سے اکثر نے اس کے ساتھ یکجہتی کے طور پر کانگریس سے استعفیٰ بھی دے دیا تھا۔
آزاد کو متفقہ طور پر یکم اکتوبر کو ڈی اے پی کا چیئرمین منتخب کیا گیا تھا، پارٹی کے بانی اراکین کے اجلاس میں، جو جموں اور سری نگر دونوں میں منعقد ہوا تھا، میں منظور کی گئی قرارداد کے بعد انہیں منتخب کیا گیا۔