سرینگر/30ستمبر
شمالی کشمیر کے ضلع بارہمولہ کے یادی پورہ پٹن میں سیکورٹی فورسز اور ملی ٹنٹوں کے درمیان جمعے کی علی الصبح چھڑنے والے تصادم میں ایک جنگجو مارا گیا جبکہ آپریشن ہنوز جاری ہے ۔
کشمیر زون پولیس نے اپنے ٹویٹر ہینڈل پر جانکاری فراہم کرتے ہوئے کہا کہ بارہمولہ جھڑپ میں ایک جنگجو ہلاک ہوا ہے ۔
ٹویٹ میں مزید کہا گیا کہ آپریشن ہنوز جاری ہے اور مزید تفصیلات کا انتظار ہے ۔
قبل ازایں پولیس ذرائع نے بتایا کہ شمالی کشمیر کے ضلع بارہمولہ کے یادی پورہ پٹن میں جمعے کی علی الصبح سیکورٹی فورسز اور ملی ٹنٹوں کے درمیان تصادم آرائی شروع ہوئی۔
ادھر جنوبی کشمیر کے ضلع شوپیاں کے چترا گام میں دوران شب جھڑپ شروع ہوئی تھی۔پولیس ذرائع کے مطابق سیکورٹی فورسز اور پولیس کام پر لگے ہوئے ہیں۔
اطلاعات کے مطابق وہاں طرفین کے درمیان ابتدائی گولیوں کے تبادلے کے بعد خاموشی چھا گئی ہے ۔
