نئی دہلی/۲۴مارچ
بھارتیہ جنتا پارٹی کے ڈی پی وتس نے آج راجیہ سبھا میں ’ایک ملک ایک انتخاب‘کا مطالبہ کیا۔
وقفہ صفر کے دوران اس معاملے کو اٹھاتے ہوئے وتس نے کہا کہ۱۹۶۷کے بعد ملک میں کئی ریاستی حکومتوں کو برخاست کر دیا گیاتھا جس کی وجہ سے کئی جگہوں پر بار بار انتخابات کرائے گئے ۔ اس سے انسانی وسائل اور کچھ دوسری چیزوں پر بوجھ بڑھتا ہے ۔
وتس نے کہا کہ حکومت اور اپوزیشن ایک قوم ایک الیکشن پر اتفاق رائے پیدا کریں تاکہ بار بار الیکشن نہ کروانا پڑے ۔ انہوں نے کہا کہ ایسا نظام بنایا جائے جس سے قانون ساز اسمبلیوں، پارلیمنٹ اور بلدیاتی اداروں کے انتخابات پانچ سال میں ہی ہوں۔