جموں وکشمیر میں چار دنوں میں۱۱زلزلے ، کوئی نقصان نہیں

سرینگر///
جموں کشمیر میں گذشتہ چار دنوں کے دوران۱۱ زلزلوں کے جھٹکے محسوس کئے گئے تاہم کسی جانی یا مالی نقصان کی کوئی اطلاع نہیں ہے ۔
نیشنل سینٹر فار سیسمالوجی کے مطابق جموں و کشمیر کے ضلع ڈوڈہ میں مزید دو زلزلوں کے جھٹکے محسوس کئے گئے ۔
ان زلزلوں میں سے پہلے زلزلے کے جھٹکے جمعے کی علی الصبح۳بجکر۲۸منٹ پر جبکہ دوسرے زلزلے کے جھٹکے۴بجکر۷منٹ پر محسوس کئے گئے ۔
سینٹر کے مطابق پہلے زلزلے کی شدت ریکٹر اسکیل پر۴ء۳ریکارڈ کی گئی جبکہ زمین کے اندر اس کی گہرائی۵کلو میٹر تھی۔
دوسرے زلزلے کی شدت ریکٹر اسکیل پر۷ء۲ ریکارڈ کی گئی جبکہ اس کی زمین کے اندر گہرائی۱۰کلو میٹر تھی۔
ان دو زلزلوں کے ساتھ جموں کشمیر میں گذشتہ چار دنوں کے دوران گیارہ زلزلوں کے جھٹکے محسوس کئے گئے ۔تاہم ان زلزلوں کے نتیجے میں کوئی جانی یا مالی نقصان نہیں ہوا ہے ۔
واضح رہے کہ جموں کشمیر اور لداخ زلزلیاتی پیمانے پر سب سے زیادہ خطرناک پانچ اور چار زون میں آتے ہیں۔