’تین برسوں میں۶۰ہزارترقیاتی منصوبے مکمل ‘

سرینگر//
لیفٹیننٹ گورنر منوج سِنہا کی قیادت میں موجودہ اِنتظامیہ کی طرف سے گذشتہ تین برسوں میں اِدارہ جاتی ڈھانچے کی ترقی سے جموںکشمیر میں ترقیاتی سکیموں پر عمل درآمد کی رفتار میں پانچ گنا اِضافہ ہوا ہے۔
ایک سرکاری بیان میں کہا گیا ہے کہ حکومت نے گذشتہ دو برسوں میں ان علاقوں کو ترقی دینے کی کوشش کی ہے جو اَب تک نظر اَنداز تھے۔ دَلتوں ، قبائلیوں اور سماجی و اِقتصادی طور پر پسماندہ طبقات نے جموںکشمیر یوٹی کے مساوی طرزِ حکمرانی کے نظام سے فائدہ اُٹھایا ہے۔
یونین ٹیریٹری نے کاروبار ،معیشت ، تعلیم ، ثقافت اور کھیلوں کے میدان میں کامیابی کے نئے اُفق حاصل کئے ہیں۔جموںوکشمیر نے گذشتہ تین برسوں میں زائد اَز۶۰ہزار ترقیاتی منصوبوں کی تکمیل سے ترقی اور خوشحالی کی دُنیا میںاَپنا مقام حاصل کیا ہے۔
سر کاری تفصیلات کے مطابق مختلف ترقیاتی منصوبوں کی تکمیل کیلئے ڈسٹرکٹ کیپکس بجٹ کو چار گنا بڑھا کر۲۲ہزار۱۲۶ کروڑ روپے کیا گیا ہے ۔
سرکاری اعداد و شمار سے معلوم ہوتا ہے کہ پنچایت اور شہری بلدیاتی اداروں جیسے بنیادی جمہوری اداروں کو عام شہریوں کی ضروریات کو پورا کرنے کیلئے فیصلہ سازی کے عمل میں فعال طور پر حصہ لینے کا اِختیار دیا گیا ہے۔ اس وقت تقریباً۲۰ہزار ایسے کام اور منصوبے زیر تکمیل ہیں جن کی شناخت صرف لوگوں نے کی ہے۔
سرکاری دستاویزات کے مطابق جموںکشمیر یوٹی میں ۲۰۱۹ء سے جنوری۲۰۲۲ء تک۶۶ہزار۷۲۴ ترقیاتی منصوبے مکمل کئے گئے ہیں۔
تفصیلات میں بتایا گیا کہ سال۱۹۔۲۰۱۸ء میں۹۲۲۹ منصوبے‘سال۲۰۔۲۰۱۹میں۱۲ہزار۶۳۷‘ سال۲۱۔۲۰۲۰ کے دوران۲۱ہزار۹۴۳ گذشتہ برسوں کی کامیابیوں کے مقابلے میں بہت زیادہ اِضافہ کا مظاہر کیا گیا جبکہ مالی سال ۲۲۔۲۰۲۱ میں۲۲ہزار۹۷۵کام جنوری۲۰۲۲ تک مکمل کئے گئے۔
ریکارڈ میں مزید کہا گیا ہے کہ سینٹر کی طرف سے شروع کی گئی’’فائنانشل ریفارمز اینڈ اِنٹرونشنز‘‘ نے جموںوکشمیر یوٹی میں طے شدہ وقت کے اَندر ترقیاتی منصوبوں کی اتنی لمبی فہرست کو مکمل کرنے میں سہولیت فراہم کی ہے۔
دستاویز میں مزید کہا گیا ہے ’’منصوبوں او روسائل کی تقسیم کی اِجازت بجٹ تخمینہ ، مختص اور نگرانی نظام ( بی اِی اے ایم ایس) کی جاتی ہے جو کہ ایک مناسب وقت اور کاغذ کے بغیر نظام ہے۔اِ ن مداخلتوں سے جموںوکشمیر یوٹی میں تین برسوں میں ترقیاتی کاموں اور منصوبوں کی تکمیل میں بے مثال اِضافہ دیکھا گیا ہے ۔‘‘
اِسی طرح بی اِی اے ایم ایس جیسی تبدیلی اِصلاحات کا نفاذ جو آن لائن بجٹ کے عمل کو قابل بناتا ہے اور منظور شدہ کاموں کے خلاف فنڈس کی بروقت ریلیز ، جے اینڈ کے پے سسٹم سے بِلوں کی آن لائن جمع کرنا ، لازمی اِنتظامی منظوری ، تکنیکی پابندیاں اور اِی۔ ٹینڈرنگ ، ڈیجیٹل ادائیگیاں ، جی ایف آر ، جی اِی ایم اور متعلقہ اَقدامات نے ترقیاتی کاموں کو تیز کیا ہے اور جموںوکشمیر کو ملک میں کسی بھی دوسری ترقی پسند ریاست کے برابر لایا ہے۔
نئے منظور شدہ کاموں کا ترجیح دینے اور اِنتظامیہ نے لنگویشنگ پروجیکٹوں پر بھی توجہ مرکوزکی ہے۔
دریں اثنا،جے کے آئی ڈی ایف سی جو ملک بھر میں ایک منفرد ماڈل ہے ، نے آن لائن ادائیگی سے باخبر رہنے کے طریقہ کار ، ٹینڈر کی تفصیلات / الاٹمنٹ کی معلومات اور جے کے آئی ڈی ایف سی کی لنگویشنگ سکیم کے تحت فنڈنگ کے لئے منظور کئے گئے تمام پروجیکٹوں کی جیوٹیگنگ کے ساتھ زبردست شفافیت حاصل کی ہے ۔
جموں و کشمیر اِنتظامیہ نے جے کے آئی ڈی ایف سی کے تحت منظور شدہ ہر پروجیکٹ کو بروقت مانٹیرنگ کے لئے گوگل ارتھ سے جوڑ دیا جس نے جے کے آئی ڈی ایف سی کی آفیشل ویب سائٹ پر عوام کو دیکھنے میں سہولیت فراہم کی ۔ان تمام بنیادی ڈھانچے کے منصوبوں کی معیار اور بروقت تکمیل کو یقینی بنانے کیلئے یہ اَقدامات کئے گئے ہیں ۔