ہندوارہ سڑک حادثے میں تین فوجیوں سمیت ۵ شہری مضروب

کپواڑہ///
شمالی کشمیر کے ہندواڑہ میں فوج کی ایک گاڑی کے لوڈ کیریئر سے ٹکر ہوئی۔ اس حادثہ میں تین فوجی اہلکار سمیت پانچ افراد زخمی ہو گئے۔
تفصیلات کے مطابق ہندواڑہ کے کرال گنڈ گنا پورہ علاقے میں لوڈ کیرئیر اور ایک فوجی کی گاڑی کے درمیان تصادم ہوا۔ اس حادثہ میں دونوں گاڑیوں کو نقصان پہنچا وہیں ۳ فوجی سمیت ۵؍افراد زخمی بھی ہوئے ہیں۔
زخمیوں کو نزیکی ہسپتال منتقل کیا گیا جہاں ان کا علاج و معالجہ جاری ہے۔ زخمیوں کی حالت مستحکم بتائی جارہی ہے۔حادثے میں زخمی ہونے والے دو شہریوں کی شناخت نذیر احمد وانی اور عرفان احمد ریشی کے طور پر ہوئی ہے۔
پولیس نے اس سلسلے میں کیس درج کرکے تحقیقات شروع کی ہے۔
اس دوران جموں کشمیر کے ضلع کٹھوعہ کے بنی علاقے میں ایک سڑک حادثے میں ایک مسافر کی موت جبکہ تین دیگر زخمی ہوگئے ۔
ذرائع نے بتایا کہ کٹھوعہ کے بنی علاقے میں کنتھال دھر روڈ پر ایک کار سڑک سے لڑھک کر گہری کھائی میں جا گری جس کے نتیجے میں ایک مسافر کی موت جبکہ تین دیگر زخمی ہوگئے ۔
ذرائع نے کہا کہ متعلقہ حکام نے فوری طور بچاؤ آپریشن شروع کر دیا۔