اِنتظامی کونسل کی ایس آر او۴۳ کے نئے تشکیل دئیے گئے تعیناتی قوانین کو منظوری

سرینگر//
اِنتظامی کونسل کی میٹنگ آج یہاں لیفٹیننٹ گورنر منو ج سِنہا کی صدارت میں منعقد ہوئی جس میں جموں وکشمیر رِی ہیبلٹیشن اسسٹنس سکیم ۲۰۲۲ کو اَپنا نے کو منظور ی دی۔
میٹنگ میں لیفٹیننٹ گورنر کے مشیر راجیو رائے بھٹناگر ، چیف سیکرٹری ڈاکٹر ارون کمار مہتا اور لیفٹیننٹ گورنر کے پرنسپل سیکرٹری نتیشور کمار نے شرکت کی۔
اِس فیصلے کا مقصد سوگوار کنبے میں ہمدردی قائم کرنے کیلئے ایک معیار پر مبنی تشخیص کو متعارف کرتے ہوئے ہمدردانہ تعیناتی فراہم کرنے میں مساوات ، شمولیت اور جواب دہی کو فروغ دینا ہے۔
نئی سکیم کسی سرکاری ملازم کے زیر کفالت کنبہ کے فرد کو ہمدردی کی بنیاد پر تقرری یا مالی معاوضہ فراہم کرے گی جو ملی ٹینسی سے متعلق کارروائی کے نتیجے میں یا لائن آف کنٹرول / بین الاقوامی سرحد کے اَندر دشمن کی کارروائی کے نتیجے میں فوت ہوسکتاہے ۔ جموںوکشمیر اور ملی ٹینسی سے متعلق سرگرمیوں میں ملوث نہیں ہے۔ اِس طرح اَپنے کنبے کو تنگدستی اور ذریعہ معاش کے بغیر چھوڑتا ہے۔ اِس سکیم سے سرکاری ملازم کے کنبے کو راحت ملے گی اور انہیں مالی بدحالی سے بچایا جائے گا۔
نئی سکیم میں رِی ہیبلٹیشن اسسٹنس کے فریم ورک کے غلط اِستعمال کے خلاف مناسب تحفظات کو یقینی بنانے ، زیادہ شفافیت اور مساوات لانے کے لئے ایک نامزد پورٹل پر جی اے ڈی میں مرکزی اَنداز میں آن لائن درخواستیں وصول کرنے کے اِنتظامات، تشخیص اور سفارشات کرنے کیلئے جی اے ڈی میں سکریننگ کمیٹی کا قیام،جی اے ڈی میں اِنتظامی سیکرٹری کو ہمدردانہ تقرری/ مالی معاوضے کے معاملے کی منظور ی کے لئے واحد مجاز اَتھارٹی بنانا ( ان صورتوں میں جہاں نرمی کی ضرورت نہیں ہے )، قوانین میں نرمی میں زیر غور مقدمات کے لئے ۵فیصد کیپ کی تجویز‘ نرمی کے معیار کو زیادہ شفاف/اوبجیکٹیو بنانا اور درخواست دہندگان کو درخواستیں جمع کرنے کی تاریخ سے۵سال تک غور کیلئے اہل رکھناشامل کئے گئے ہیں۔
نئی سکیم کے تحت خالی اَسامیوں کی تعداد او راہل اُمید واروں کی میرٹ لسٹ سالانہ تیار کی جائے گی اور اہل اُمید واروں کو خالصتاً سہ ماہی بنیادوں پر پوائنٹ پر مبنی میرٹ سسٹم سے حاصل کردہ میرٹ کی بنیاد پر سمجھا جائے گا ۔ اِس عمل کو مکمل طو رپر شفاف اور جواب دہ بنانے کیلئے اُمید واروں کی خالی اَسامیوں کی میرٹ لسٹ کو پبلک ڈومین میں رکھا جائے گا۔
ہمدردانہ بنیادوں پر تقرری ملٹی ٹاسکنگ سٹاف یا اِس کے مساوی یا سب سے کم نان گزیٹیڈ کیڈر کی اَسامیوں کے لئے کی جائے گی ۔ تاہم اگر کوئی درخواست دہندہ گریجویٹ ہے یا اس کے پاس اعلیٰ اہلیت ہے تو نان گزیٹیڈ کیڈر میں تقرری پر غور کرنے کے لئے اِختیارکی اِجازت دینے کے اِنتظامات ہیں۔
تاہم ہمدردانہ تقرری کے مقدمات ابھی بھی موجودہ ایس آر او۴۳کے تحت جی اے ڈی میں زیر اِلتوأ ہیں جن میں قواعد میں نرمی اور دیگر محکموں میں پوسٹ کی شناخت سمیت مختلف وجوہات شامل ہیں ۔ وقتاًفوقتاً ترمیم کے مطابق ۱۹۹۴کے ایس آر او۴۳ کے مطابق نمٹاجائے گا۔
مزید برآں نئی سکیم مینو فیکچرنگ یونٹ یا ٹریڈنگ وینچر کے قیام کیلئے مقررکردہ اَصولوں کے مطابق کریڈٹ حاصل کرنے کے لئے مختلف خود روزگار اور حکومت کے زیر اہتمام روزگار پیدا کرنے والی سکیموں کے تحت انحصار کرنے والوں کو مدد فراہم کرتی ہے۔
نئی سکیم اِس غیر یقینی صورتحال کو ختم کرے گی جس نے سابقہ ہمدردانہ تقرری کے ضابطوں سے دوچار کیا تھا جس کی وجہ سے مقدمات برسوں تک ایک ساتھ چلتے رہے ۔ نئی سکیم سے توقع کی جاتی ہے کہ ان ملازمین کے این او کے کو فوری مدد فراہم کی جائے گی جوملازمت میں مرجاتے ہیں۔