گائے اسمگلنگ:انوبرتامنڈل 20اگست تک سی بی آئی کی تحویل میں

کلکتہ//
بیربھوم ضلع ترنمول کے صدر انوبرتو منڈل کو جمعرات کی شام تقریباً 5 بجے آسنسول سی بی آئی عدالت میں پیش کیا گیا۔ سماعت 6 بجے تک ختم ہوئی اور خصوصی عدالت نے انوبرتو کو 20 اگست تک سی بی آئی کی تحویل میں دینے کا حکم دیا۔
انوبرتا کی طرف سے ضمانت کی درخواست نہیں کی گئی تھی۔ سی بی آئی نے 14 دن کی تحویل کیلئے درخواست دی تھی ہے ۔جس وقت انوبرتا منڈل کو عدالت میں پیش کیا گیا اس وقت میں بی جے پی اور سی پی آئی ایم ک کارکنان نے انوبرتا منڈل کے خلاف احتجاج کیا
سی بی آئی نے جمعرات کو ایک سرکاری بیان میں کہا کہ بیر بھوم ضلع ترنمول کے صدر انبرتا منڈل کو گائے کی اسمگلنگ کیس میں گرفتار کیا گیا ہے ۔ ذرائع کے مطابق انوبرتا منڈل منگل کی رات سے ذہنی طور پر ٹوٹ چکے تھے ، شاید انہیں یقین ہوگیا تھا کہ وہ اب گرفتار ی یقینی ہے ۔قریبی لوگوں کا کہنا ہے کہ انوبرتامنڈل کو کل رات بولپور میں اپنے گھر میں روتے ہوئے دیکھا گیا تھا۔
جمعرات کی صبح سی بی آئی کے افسران نے بولپور میں واقع منڈل کے گھر پرانوبرتا منڈل کے گھر پر چھاپہ مارا۔ سی بی آئی افسران 10-12 گاڑیوں کے قافلے کے ساتھ پہنچے تھے ۔ بیربھوم میں ترنمول ضلع صدر کے گھر کو مرکزی فورسز نے گھیرے میں لے لیا۔ بیربھوم ضلع ترنمول کے صدر انورتر منڈل کو سی بی آئی نے گائے کی اسمگلنگ کیس میں تفتیش میں عدم تعاون کے الزام میں گرفتار کیا ہے ۔ دوپہر میں، سی بی آئی نے ایک بیان میں کہا کہ بیربھوم ضلع ترنمول کے صدر انوبرتا منڈل کو گائے کی اسمگلنگ کے معاملے میں گرفتار کیا گیا ہے ۔ کیس نمبر RC 0102020A0019، 21 ستمبر 2020 کو درج کیا گیا۔ یہ مقدمہ کلکتہ کے اینٹی کرپشن ونگ میں درج کیا گیا تھا۔
انوبرتا منڈل کو ای سی ایل گیسٹ ہاؤس میں سی بی آئی کے خصوصی کیمپ میں رکھا گیا تھا۔ ذرائع کے مطابق شنکھٹوریا اسپتال کے 3 ڈاکٹر گیسٹ ہاؤس پہنچ گئے ہیں۔ اسپتال سے انوبرتا کے لیے بلڈ پریشر کی دوا لائی گئی تھی۔ بیر بھوم ضلع ترنمول صدر کا گیسٹ ہاؤس میں علاج کیا جا رہا ہے ۔ ایمبولینس ہنگامی حالات کے لیے تیار ہے ۔ گیسٹ ہاؤس کے باہر پولیس کی بھاری نفری، کمبیٹ فورس تعینات تھی۔ ڈی ایس پی رینک کے افسران بھی تھے ۔