ہنس راج ورما کیوبا میں ہندوستان کے سفیر مقرر

نئی دہلی، 18 ستمبر (یو این آئی) انڈین فارن سروس (آئی ایف ایس) کے سینئر اہلکار ہنس راج سنگھ ورما کو کیوبا میں ہندوستان کا اگلا سفیر مقرر کیا گیا ہے۔
وزارتِ خارجہ نے جمعہ کو بتایا کہ مسٹر ورما فی الحال ساؤ پالو میں ہندوستان کے قونصل جنرل ہیں اور انہیں اب کیوبا میں ہندوستان کے سفیر کی ذمہ داری سونپی گئی ہے۔ وزارت نے کہا ہے کہ وہ جلد ہی اپنا عہدہ سنبھال لیں گے۔
ہندوستان اور کیوبا کے درمیان روایتی طور پر انتہائی خوشگوار اور دوستانہ دوطرفہ تعلقات رہے ہیں۔ جنوری 1959 کے کیوبا انقلاب کے بعد کیوبا کی نئی حکومت کو تسلیم کرنے والے ابتدائی ملکوں میں ہندوستان بھی شامل تھا۔
دونوں ملکوں کے درمیان دوطرفہ تجارت محدود ہے۔ سال 2025-26 میں دوطرفہ تجارت تقریباً 2 کروڑ 43 لاکھ 10 ہزار ڈالر رہی۔ ہندوستان بنیادی طور پر کیوبا کو فارماسیوٹیکلز، آرگینک کیمیکلز، اور انجینئرنگ سامان برآمد کرتا ہے۔ کیوبا سے ہندوستان بنیادی طور پر تمباکو کی مصنوعات (سگار) اور چمڑے کی اشیاء درآمد کرتا ہے۔