نئی دہلی، 03 مئی (یو این آئی) وزیر اعظم نریندر مودی نے محترمہ میٹے فریڈرکسن کو ڈنمارک کی وزیر اعظم کے طور پر لگاتار تیسری بار عہدہ سنبھالنے پر دلی مبارکباد دی ہے۔
مسٹر مودی نے بدھ کو اپنے تہنیتی پیغام میں کہا، "میری دوست، محترمہ میٹے فریڈرکسن کو ڈنمارک کی وزیر اعظم کے طور پر لگاتار تیسری بار عہدہ سنبھالنے پر دلی مبارکباد۔ ہندوستان اور ڈنمارک کے درمیان ایکمضبوط شراکت داری ہے، جو باہمی اعتماد، مشترکہ اقدار اور ایک پائیدار مستقبل کے تئیں مشترکہ عزم پر مبنی ہے۔ میں وزیر اعظم فریڈرکسن کے ساتھ مل کر کام کرنے کا خواہاں ہوں، تاکہ ہندوستان-ڈنمارک ‘گرین اسٹریٹجک پارٹنرشپ’ کو مزید مضبوط کیا جا سکے اور ہمارے لوگوں کے فائدے کے لیے ہمارے تعاون کو نئی بلندیوں تک پہنچایا جا سکے۔” مسٹر مودی نے حال ہی میں ناروے کے دورے کے دوران نارڈک ممالک کی کانفرنس کے موقع پر ڈنمارک کی وزیر اعظم کے ساتھ دوطرفہ ملاقات بھی کی تھی۔
قابل ذکر ہے کہ ناروے میں انتخابات کے بعد محترمہ فریڈرکسن نے کچھ پارٹیوں کے ساتھ مل کر مخلوط حکومت بنائی ہے۔ اس کے بعد انہوں نے لگاتار تیسری بار ڈنمارک کی وزیر اعظم کا عہدہ سنبھالا۔
یواین آئی۔ایف اے
