ایجنسیز
جموں؍۱۲مئی
بھارتی فوج نے منگل کو جموں و کشمیر کے ضلع پونچھ میں لائن آف کنٹرول پر دراندازی کی ایک کوشش ناکام بناتے ہوئے کرشنا گھاٹی سیکٹر میں ایک دہشت گردد کو ہلاک کر دیا۔
حکام کے مطابق مخصوص نگرانی اطلاعات کی بنیاد پر چوکس فوجی اہلکاروں نے شام تقریباً چار بجے کرشنا گھاٹی سیکٹر میں لائن آف کنٹرول کے بھارتی حصے کے اندر تقریباً۳۰۰ میٹر کے فاصلے پر مشتبہ نقل و حرکت دیکھی۔
انہوں نے بتایا کہ فوجی اہلکاروں نے فوری کارروائی کرتے ہوئے درانداز کو نشانہ بنایا اور دراندازی کی کوشش ناکام بنا دی، جس سے لائن آف کنٹرول کی خلاف ورزی نہیں ہونے دی گئی۔
فوج کی جانب سے جاری بیان میں کہا گیا’’ایک دہشت گرد کو ہلاک کر دیا گیا ہے‘‘۔
بیان میں مزید کہا گیا کہ فوجی دستے علاقے میں مسلسل نگرانی جاری رکھے ہوئے ہیں اور پورے سیکٹر میں مکمل عملی چوکسی برقرار رکھی گئی ہے۔
