ڈی آئی پی آر
سرینگر؍۲مئی
فوج کی اسٹریٹجک اہمیت کی حامل سرینگر میں قائم۱۵ویںکور کی کمان سنبھالنے کے ایک دن بعد لیفٹیننٹ جنرل بل بیر سنگھ نے آج جموں و کشمیر کے لیفٹیننٹ گورنر منوج سنہا سے ملاقات کی۔ حکام نے یہ اطلاع دی۔
لیفٹیننٹ جنرل سنگھ نے جمعہ کے روز فوج کی۱۵ویںکور، جسے چنار کور بھی کہا جاتا ہے، کی کمان سنبھالی۔ انہوں نے لیفٹیننٹ جنرل پرشانت سریواستو کی جگہ لی، جنہوں نے اپنی مدت پوری ہونے پر عہدہ چھوڑ دیا۔
فوج کی۱۵ویںکور کشمیر وادی میں فوجی کارروائیوں کی ذمہ دار ہے، جس میں لائن آف کنٹرول (ایل او سی) پر پاکستان کے ساتھ سرحد کی نگرانی اور اندرونی علاقوں میں انسداد دہشت گردی کی کارروائیاں شامل ہیں۔
اس دوران مائیکرو، اسمال اینڈ میڈیم انٹرپرائزز (ایم ایس ایم ای) ڈیولپمنٹ فورم کے ایک وفد نے، جس کی قیادت اس کے بانی چیئرمین راجنیش گوئنکا کر رہے تھے، آج لیفٹیننٹ گورنر منوج سنہا سے ملاقات کی۔
اسی طرح کشمیر روڈ سیفٹی فاؤنڈیشن کے ایک وفد نے، جس کی قیادت چیئرمین ناصر علی خان کر رہے تھے، بھی لیفٹیننٹ گورنر سے ملاقات کی۔
بعد ازاں محترمہ سائمہ جان (سابق ڈی ڈی سی ممبر بی کے پورہ، بڈگام)، شیخ عنایت اللہ (سی ای او، ریفارم اینڈ ری ہیبلیٹیشن فاؤنڈیشن) اور سماجی کارکن صبا ذوالقرنین نے بھی لیفٹیننٹ گورنر سے ملاقات کی۔
ادھر حاجی فاروق احمد میر (سابق وائس چیئرمین ضلع ترقیاتی کونسل کپواڑہ) نے بھی آج لیفٹیننٹ گورنر منوج سنہا سے ملاقات کی۔
